Дайжест
17 март 2017

“Миллий тикланиш” – Каримовни абадийлаштириш ташаббускори

«Ўзбекистон “Миллий тикланиш” демократик партияси ташаббуси билан Бухородаги марказий кўчага Ислом Каримов номи берилди”, дея тантанавор эълон қилди “Миллий тикланиш” газетаси (15.03).

Албатта, халқ ўз “қаҳрамон”ларини билиб қўйиши керак. Лекин “Миллий тикланиш” демократик партияси вакилларининг бу “қаҳрамонлиги” юқорининг буйруғи билан бўлгани шубҳасиз.

Агар бундай “қаҳрамонлик” қилиш мавжуд бошқа расмий партияга топширилганда улар бу топшириқни сўзсиз бажаришига шубҳа қилмасангиз асло янглишмайсиз.

Сўнгги вақтларда президентнинг буйруғи билан партиялардан сайланган депутатлар шунча вақт қилмаган иши – “халқ билан мулоқот”га шўнғиб кетгани ҳам фикримизга далил бўла олади.

Хусусан, Миллий Тикланиш депутатлари шу кунларда тўрвасини йўқотган лўлидек маҳаллама-маҳалла чопқиллаб, “халқнинг дардини”, “жойлардаги муаммолар”ни ўрганиб юрибди.

Масалан, яқинда улар Сирдарёнинг Сайхунободига бориб, бу ердаги соғлиқни сақлаш соҳаси аҳволини ўрганиб келибди.

“Ҳудуддаги тиббиёт муассасалари, жумладан, қишлоқ врачлик пунктлари дори-дармон воситалари билан етарли даражада таъминланмаган. Аҳолига тиббий хизмат кўрсатувчи траспорт воситалари, асбоб-ускуналар яроқсиз аҳволга келиб қолган…”, деган хулосага келган депутатлар.

Яқиндагина улар Ўзбекистонда “ҳавас қиларли тиббиёт тизими яратилгани, бу бутун дунёда эътироф этилаётгани” ҳақида сафсата сотиб юрганди.

Аммо янги давлат раҳбарининг тинимсиз танқидлари уларнинг ёлғонларини фош этиб қўйди. Лекин депутатлар дарҳол вазиятга мослашиб, кечагина ўзлари оғиз кўпиртириб мақтаган тизимдаги камчиликларни топа оладиган “ўткиркўз лочинлар”га айланди.

Депутатларнинг бугунги ҳолати буюк Навоийнинг “Шер ва дуррож” ҳикоятини эсга туширади. Яъни ёлғончининг аҳволи барибир бир куни вой бўлади.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
7 апрел 2016
Ўзбекистонликлар орасида сўнгги кунларда авж олган 16 ва 32 килограммлик полвонтошларни қидириш васвасаси машҳур “Олтин девор” пъесасини эслатади, фақат ...
3 октябр 2017
Бугун 3 октябр, ўзбек мухолифати лидери Муҳаммад Солиҳ Истамбулда ўтган матбуот анжуманида Усмон Ҳақназаров айнан Тошкентлик журналист Бобомурод Абдулла ...
18 апрел 2016
“Миллий тикланиш” газетаси шу номдаги партиянинг халқ депутатлари маҳаллий кенгашлари депутатлари томонидан “халқ фаровонлиги” йўлида олиб борилаётган ишлар, улар ...
9 май 2019
Қоўқон хонлигинг Тошкент ҳимоясига отланган мулла Алимқул бошчилигидаги асосий кучлари 1865 йилнинг 9 майида шаҳарни рус босқинчиларидан тозалашга муваффақ ...
Блоглар
23 август 2019
Мамлакат турғунларининг бузилаётган уйлари учун бозор нархида товон талаб қилиши очкўзлик экан. Президент самолёти учун ...
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...