Document UZ
16 октябр 2018

Москвада Ислом Каримовга ҳайкал ўрнатилди

Москвада Ислом Каримовга ҳайкал ўрнатиш ишлари 15 октябрга ўтар кечаси тунда олиб борилди. Ёдгорлик 16 октябрь куни очилиши кутилмоқда.

Лола Каримова таклифига кўра, Москвадаги Ислом Каримов хиёбони ва ёдгорлик лойиҳаси устида англиялик машҳур ҳайкалтарош Пол Дэй ишлаган.

Ҳайкалнинг тунда, бунинг устига автобус ва иккита полиция машинаси панасига яширилиб ўрнатилгани эса ижтимоий тармоқда ғазаб билан қарши олинди.

Ҳайкални тунда ўрнатишди. Фото: Андрей Морев

“Элнинг тинчини бузиб, қўрқоқларча тунда иш қилишди. Агар қўрқишмаганида эди, москваликлардан яширинмасдан, ҳайкални кундузи ўрнатишарди”, дея изоҳ қолдирди москвалик депутат Андрей Морев ўзининг фейсбук саҳифасида.

Унинг билдиришича, у сайланган Якиманка округи аҳолисининг кўплаб норозилигига қарамасдан ҳайкални ўрнатишган.


Ҳайкал Лола Каримова буюртмасига кўра, машҳур англиялик ҳайкалтарош Рол Дей томонидан ишланган. Фото: Андрей Морев

“Чиркин диктатор. Чиркин фарзандлар. Чиркин буюртма. Ички мустамлакачилик воситасида мустамлакачи ўтмишига қарши курашиб ўтди, оқибат Москванинг орқа ҳовлисидан жой олди. Хизматига яраша”, дея изоҳлади воқеани Монреал университети илмий ходими Борис Чухович.

Москвадаги Каримов ҳайкали Рассом Туз наздида

Бугун Францияда яшаб ижод этаётган тошкентлик рассом Сергей Игнатьев эса бу ёдгорликни “каптарлар учун ҳожатхона” дея атади.

“Эртага “дангаса”ларни супурги билан уриб ҳайдашади. Беваси эса қўриқчилар ҳимоясида йиғлоқи бир нутқ сўзлайди. Фақат каптарлар хурсанд бўлади, янги туалет қурилганига”, дея изоҳлади рассом 16 октябрь куни кутилажак маросим ҳақида.

Eltuz.com

Тағин ўқинг
18 январ 2018
Миллий хавфсизлик хизмати собиқ генерали Шуҳрат Ғуломов қамоқхоналардаги айрим сиёсий ва диний маҳкумларни йўқ қилиш гуруҳини тузган. Бу ҳақда ...
4 апрел 2017
4 апрелга ўтар кечаси тунда Фарғона вилоятининг Бувайда туманига қарашли Янгиқўрғон шаҳарчасидаги Марказий деҳқон бозорида ёнғин чиқди. Воқеа гувоҳларининг ...
19 феврал 2018
Ўзбекистондаги жўшқин сиёсий ўзгаришлар шу пайтгача мамлакатда энг қудратли куч бўлган Миллий хавфсизлик хизмати ўрнига янги супертузилма – прокуратурани ...
24 май 2016
“Миллий тикланиш” партияси “ёшларнинг Ватанга муҳаббатини ошириш”, “уларни миллий истиқлол ғоясига садоқат руҳида тарбиялаш”га қаратилган кўпдан-кўп тадбирлари қаторида “Президент ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...