Cатира
28 март 2017

Бахтиёрлик – мустабид даврни эслатувчи туйғуми?

20 март куни эълон қилинган энг бахтли мамлакатлар рейтингида Ўзбекистонликлар барча собиқ Совет давлатларини ортда қолдирди.

Gallup тадқиқот маркази ўтказган сўров натижаларига кўра, Ўзбекистон 155 мамлакат орасида 47 oринни эгаллади. Энг бахтли давлат Норвегия бўлди.

Сохта бахтлилик?

17 йилдан буён Норвегияда яшаётган педогог олим, 73 ёшли Абдулла Абдураззоқ, ўзбек халқининг бугун чинакам бахтли эканига шубҳа билдиради.

«Сўз эркинлиги бўлмаган, инсон ҳуқуқлари топталган, коррупция авж олган давлатда ўтказилган сўров натижасига қандай ишониш мумкин», дейди Абдулла Абдураззоқ Элтузга берган интервьюсида.
У Ўзбекистон билан Норвегия ўртасидаги фарқларни қиёслаб, ўзи яшаётган мамлакатдаги ижтимоий мухофаза даражасига мисол келтиради.

«Бир вақтлар сал пулга муҳтожлик туғилганди. Менинг ҳисобимга маҳаллий коммуна шу заҳоти 1000 доллар ташлаб берди» дейди у.

Элтуз мухбири билан суҳбатида Абдулла Абдураззоқ ўзбекларнинг тирикчилик учун Ўзбекистондан кўра бахтсизроқ Қозоғистон ва Россияга ишлагани кетаётганини истеҳзо билан эслайди.

Рейтинг қандай белгиланди?

Бахтиёрлик рейтингини тузишда аҳоли жон бошига ўртача даромад; умр кўриш муддати; фуқаролик эркинликлари, ижтимоий муҳофаза ва эртанги кунга ишонч, оиладаги барқарорлик, иш билан бандлик, коррупция даражаси, шунингдек жамиятдаги ишонч ва саховат каби омиллар қамралгани айтилади.

Булардан ташқари, тадқиқотнинг асосий қисмини турли мамлакатлар ахолиси орасида ўтказилган, уларнинг қанчалик бахтлилигига оид ижтимоий сўров натижалари ташкил қилган.

Ўзбеклар ва норвеглар ўртасидаги тафовут

Объектив нуқтаи назардан Норвегия, даромадлари даражаси, коррупциянинг йўқлиги, сўз эркинлиги, давлатнинг ижтимоий кўмаги, ишсизлик муаммосининг камлиги жиҳатидан энг юқори поғонани эгаллайди.

Айни пайтда, коррупция, эркинликлар ва аҳоли даромади бўйича Ўзбекистон рейтинги энг паст даражада.

Шунга қарамай, сўров натижаларига кўра ўзбеклар ўз турмуш даражаларини ижобий дея баҳолашган.

«Бахтиёрлик бўлди одатим…»

Ҳаётий тажрибасидан келиб чиқиб Абдулла Абдураззоқ қатағон, очлик ва қашшоқлик ҳукмрон бўлган Сталин даврида ҳам одамлар ўзларини дунёдаги энг бахтли санашганини эслайди.

Бахт куйчиси саналган Ҳамид Олимжон 1938-44 йилларда Ўзбекистон Ёзувчилар уюшмаси масъул котиби бўлганини эслаш кифоя.

Миллат ойдинлари отилган, йўқ қилинган бу даврда шоир Ҳамид Олимжон:

Шодлик йўлга бошлади мени,
Бахтиёрлик бўлди одатим.
Шоир бўлиб, шодлик ва бахтни
Куйламаклик зўр саодатим.

дея шеърий сатрлар битди.

«Қизиғи шундаки, бутун халқ бу шеърларни ёдлади. Бугун ҳам такрорламоқда», дейди ўзбек адабиёти билимдони Абдулла Абдураззоқ.

Шунга қарамай, кекса олим Ўзбекистонга ҳам ҳақиқий бахтли кунлар келишидан умидвор эканини яширмайди.

Eltuz.com

 

Тағин ўқинг
8 март 2021
Клара Цеткин хотин-қизлар ҳуқуқларини ҳимоя қилиш бўйича фаол курашчи эди. Унинг исми Халқаро хотин-қизлар кунини нишонлаш билан узвий боғлиқдир. ...
26 март 2016
Суд мажлисидан чиқаётган АҚШ элчихонаси вакилларини ташқарида Жиззах вилоят телевиденияси мухбирлари Дилмурод Абдурахимов ва тасвирчи Умид Носировлар кутиб олишди. ...
25 октябр 2015
Ҳалокат Анвар ўтирган Матиз машинаси пахта ортилган трактор прицепи билан тўқнашуви натижасида содир бўлган. Ҳозирда машина ҳайдовчиси оғир аҳволда ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат қаторига қўшилди. Адолатдан, ўз ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...