Cатира
18 апрел 2018

Мирзиëев учун театр

Мирзиëев N вилоятининг олис бир туманига вертолётда учиб келди. Юртбоши тикучар зинасидан тушиб, атрофга аланглаб қаради. Атроф ивирсиб ëтибди. Ҳамма томон чиқинди. Дарахтлар оқланмаган. Маҳаллий ҳоким қўлини кўксига қўйиб, айëрона жилмайиб турибди.

“Мана, бўлар экан-ку! Мени келади деб кўча супурмаганинг билиниб турибди”, дея юртбоши ҳокимнинг елкасига қоқиб, мажлис залига кириб кетди.

Ташқарида қолган ҳоким ўринбосари кўчага чиқинди сепиб, оқланган дарахтларни қорага бўяб юрган ўқитувчи, шифокор ва театр артистларга уйига жавоб бериш олдидан навбатдаги вазифани белгилаб берди:

“Эртага юртбоши N туманига бориб, товуқхона очилишида қатнашади. Сизлар сал олдин бориб, ҳамма ерга чиқинди тўкиб чиқишларинг керак. Вилоят театри артистлари эса “асалари боқувчи” ҳожи ота , “товуқ боқувчи” тадбиркор, “лимон етиштираëтган” собиқ террорчи ролини ўйнаб беришлари шарт. Қани, марш! Ҳаромилар!!!”

Ўқитувчи, шифокор ва артистлар бўйнини қисганча доно юртбошини дуо қилиб, арзон уйлари томон кетишди.

Рассом Туз
Eltuz.com

Тағин ўқинг
29 апрел 2020
Андижон вилоятининг Андижон туманида участка нозирлари ва маҳалла фаоллари янги тузилган «Саховат ва кўмак» жамғармаси ҳисобига аҳолидан уйма-уй юриб ...
6 феврал 2017
Республика Бош вазири топшириғига кўра, ортиқча маҳаллий ўғитни фермер хўжаликларига чиқариш, молхона ва ҳожатхоналарни тозалаш, вақт-вақти билан дезинфекция қилиб ...
12 ноябр 2019
Парламент сайлови олдидан “демократия ўйини” ўйнашга киришиб кетган партиялар раҳбарлари билиб-билмай жамиятнинг катта қатлами норозилигига сабаб бўладиган баёнотлар беришда ...
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари орасида ўзаро боғлиқлик бор.  ...
Блоглар
23 сентябр 2020
Шуҳрат Қаюмов мен таниган, мен мулоқотда бўлган санъаткорларнинг энг яхшиси, маданиятлиси эди. У киши билан ...
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, ...
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...