Cатира
10 ноябр 2018

Ўгай ҳукуматни одамлар нега севиши керак?

Ўзбекистон мустақил бўлган 1991 йилдан то шу бугунчага бу мамлакат ҳукумати чет элда бошига иш тушган бирорта ватандошини ҳимоя қилмади.

Ўзбек ватандошларини тақирбош ирқчилар ўлдирса ҳам, ҳақорат қилинса ҳам Ўзбекистон ҳукумати унинг тарафини олиб бир оғиз сўз айтмади. Миллионлаб ўзбек ўз мамлакати элчихонаси ходимлари томонидан муттасил таланди, хўрланди ва камситилди.

Ўзбекистон ўз ватандошлари паспортига чиқиш визасини қўядиган ягона, мохов давлат сифатида қолмоқда. Гўëки Ўзбекистон очиқ осмон остидаги қамоқхона. Ўзбекистонни бошқарган бир гуруҳ собиқ коммунистлар эса унинг бойлигини имкон қадар кўпроқ ўғирлаш учун куну тун тиришишди.

Одамлар газ ва электр бемалол бўлган совет даврини соғина бошлашди. Халқ учун табиат ато қилган газни кўтарасига Хитойга сотган оз сонли коррупционер мулозимлар катта “откат”лар олиб бойигандир-у, аммо бутун бир миллат совуқда дирдирашга маҳкум қилинди. Мустақиллик оддий одамлар наздида фақат азобу уқубат ва йўқсилликни тамсил қилди.

Ўзбекистонни бошқарганларнинг олтин закарли болалари эса бу мамлакатни ўмаришни ўйлашди-ю, лаоқал тилини ҳам ўрганишмади. Мамлакат бошида 27 йил турган Каримовнинг икки қизи, бир ўғли ва набиралари ўзбек тилида гапирмайди.

Бошқа мулозимлар пушти камаридан бўлганлар ҳам русийзабонликни олий мартаба сифатида кўришди ва уларни бойитган эл тилидан ошкора ҳазар қилишди. Зотан, бошқарув элитасидагилар ўзбек тилидан ва феълан мамлакат мустақиллигидан ҳазар қилган криминал тўда эди, холос.

Бугун Сафоеву Барноев каби мулозимлар рус миллатчисини нон ва туз билан қаршиламоқда. Бу вазиятда оддий халқдан не таъма? Нима кўрди у мустақилликдан?

Бу ҳукумат, бу давлат уни ҳимоя қилдими? Унга одам каби яшаш, эркин ҳаракат қилиш ҳуқуқини ҳам раво кўрмайдиган ўгай ҳукуматни оддий одамлар нега севиши керак?

Отабек Усмон,
мустақил блогер

Тағин ўқинг
12 октябр 2018
Женеванинг Lombard Odier банки сейфларидан топилган ва Гулнора Каримовага тегишли экани айтилаётган қимматбаҳо заргарлик буюмларининг қиймати 38 миллион франкка ...
28 апрел 2019
Нацистлар Германияси иттифоқчиси, янги Рим империясини қуриш ғоясини илгари сурган Европанинг сўнгги диктаторларидан бири, дуче (доҳий) Бенито Муссолинининг ўлими ...
21 март 2016
“Тошкент шаҳар ҳокимининг 18 март куни имзонлаган 244-сонли қарорига кўра, “Наврўз” умумхалқ байрами ўтказиш вақтида йўлларда ҳаракатланиш хавфсизлигини таъминлаш ...
3 октябр 2016
Ўзбекистон телеканаллари сентябрь ойини йиғи-сиғи билан бошлаб, байрамона кайфиятда тугатди. Президент Ислом Каримовнинг вафоти муносабати билан совет даврига хос ...
Блоглар
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...
9 декабр 2019
7 декабрь куни президент Шавкат Мирзиёев, ҳар йилги анъанага кўра, Ўзбекистон Конституциясининг 27 йиллигига бағишланган ...
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...