Дайжест
19 март 2019

Назарбоев Зардуштга қариндошми?

Майли, бошлаб қўйдим энди, мен ҳам хайпни давом эттирай.

Қозоқларда уруғчилик тизими бугунги кунга қадар яхши сақланиб қолган. Уруғ мансубияти қиз олиш-беришдагина эмас, балки давлат мансабларини эгаллашда ҳам муҳим ўрин тутади. Айни пайтда ҳокимият тепасида Катта жуз (уйшунлар) вакиллари. Шу билан бирга, Ўрта жузнинг найман уруғи яхши позицияларни эгаллаган.

Иерархиянинг охирида эса Кичик жуз (олчинлар) туради. Асосий нефть манбалари уларнинг зонасида (Манғишлоқ ва Отров вилоятлари), шунга қарамай, бойликлар, асосан, Катта жуз қўлида. Бунинг натижасида 2011 йили Жанаозен воқеалари рўй берганди.

Назарбоев эса Катта жузнинг шапрашти (чапрачти) уруғидан. Қабилавий иерархияда бу уруғ энг қуйида туришига қарамай, Назарбоев даврида анчайин кўтарилиб олган. Ўз вақтида сарой тарихчилари Элбошига пахта қўйиш мақсадида уруғ тарихини ўрганиб, унинг келиб чиқишини олис минг йилликларга боғлаб ташлаган эди (пахта қўйиш Қозоғистонда ҳам бор).

Масалан, ўз вақтида бир қозоқ тарихчиси зардуштийлик дини асосчиси Зардушт (Заратуштра) шапрашти уруғидан келиб чиққани ҳақидаги “гениал” фикрни олиб чиққан эди. Заратуштра исмининг қозоқча талқинини келтирсам, менимча, кулгидан йиқилиб қоласизлар: Жаратушы, яъни Яратувчи.

Мана шунақа гаплар. Энди у доруломон даврлар ўтди-кетди, Зардуштни ҳам тинч қўйишса керак.

Эльдар Асанов,
Телеграмдаги «Асанов формати» блогери

Тағин ўқинг
26 март 2016
Суд мажлисидан чиқаётган АҚШ элчихонаси вакилларини ташқарида Жиззах вилоят телевиденияси мухбирлари Дилмурод Абдурахимов ва тасвирчи Умид Носировлар кутиб олишди. ...
19 январ 2017
Истанбул Террорга қарши мужодала шўъба мудирлигида 45 соатдан бери давом этаëтган терговда Ўзбекистон ватандоши Абдуқодир Машариповнинг терговчилар саволларига берган ...
25 март 2019
Россия ва Хива хонлиги ўртасидаги Гандимиëн шартномасига кўра, 1873 йили Хива хонлигида қулдорлик бекор қилинди. Ўша йилнинг 12 августида ...
19 апрел 2019
Баҳодир Содиқов 1959 йилнинг 19 апрелида Хоразм вилоятининг Шовот туманида туғилди. Тошкент давлат университети (ҳозирги ЎзМУ) журналистика факультетида ўқиб ...
Блоглар
22 апрел 2019
Қадимги туркий тилнинг иккита асосий алифбоси бор — Ўрхун-Енисей (кўктурк, руник) ёзуви ҳамда уйғур алифбоси. ...
19 апрел 2019
Фолбинларга ишонмайман, лекин уларнинг бизнес моделига қойил қоламан. Бир қарашда келажакни таваккал айтиб, мижозни бунга ...
18 апрел 2019
Аврангзеб (тож безаги) дея тарихга кирган Абул Музаффар Муҳиддин Муҳаммад Оламгир (1618—1707) Ҳиндистонда Буюк мўғуллар ...