Cатира
3 феврал 2020

Гумондорни уриб ўлдириш ИИБда табиий ҳолатми?

Қашқадарё вилоятида 30 январь куни Чироқчи тумани ИИБ биносидаги гумондор ўлими юзасидан брифинг бўлди.

Ички ишлар вазири ахборот хизмати раҳбари Шоҳруҳ Ғиёсов ўғирликда гумон қилинган 32 яшар Юсуф Абдураҳмоновнинг оғир қийноқ остида ўлдирилгани юзасидан изоҳ бериб, тергов идораларида бундай ҳодиса одатий нарса эканини хотиржам оҳангда таъкидлади.

“Ички ишлар органлари биносида одам ўлиши янгилик эмас. Бу табиий ҳолат. Шундай бўлиб келган илгари ҳам. Чунки айрим ҳолатда одам ўзининг жонига қасд қилади. Стресс ҳолатларга тушади. Юқоридаги ҳолатда ҳам шундай бўлган”, деди маҳаллий блогерлар ва журналистлар олдида чиқиш қилган ИИВ расмийси.

“Элтуз” нашри 27 январь куни Қашқадарë вилояти Чироқчи тумани ИИБ жиноят қидирув бўлимининг беш нафар ходими гумонланувчини сўроқ пайтида уриб ўлдириб қўйгани ҳақида хабар берган эди.

Брифингда таъкидланишича, Чироқчи тумани ИИО ФМБнинг айрим ходимларига нисбатан Жиноят кодексининг 206-моддаси 1-қисми («Мансаб ваколати доирасидан четга чиқиш») ва бошқа моддалари билан жиноят иши қўзғатилган. Гумондорлардан икки нафарига нисбатан қамоқ эҳтиёт чораси қўлланган.

Шунингдек, ишга алоқадор бошқа ходимларга нисбатан тергов ҳаракатлари олиб борилаётгани маълум қилинган.

Eltuz.com

Тағин ўқинг
3 октябр 2018
Давлат статистика идораси 1 октябрда эълон қилган ҳисоботига кўра, сентябрь ойида товарлар ва хизматлар нархи ўртача 1¸8 фоиз кўтарилган. ...
8 декабр 2016
7 декабр куни президент Шавкат Мирзиёев Ўзбекистон Конституциясининг 24 йиллигига бағишланган тантанали йиғилишда нутқ сўзлади. Унинг тилидан «Конституциямизнинг куч ...
25 январ 2017
Журналистларни ҳимоя қилиш қўмитасининг мактуби менга 25 йиллик журналистик фаолиятимда ҳукумат тарафидан ёпилган ва мен ишлаган “Эрк”, “Муносабат”, ТВ ...
28 январ 2016
Оддий балиқчи арман қандай қилиб ИШИДчига айлангани ҳақидаги уйдирма суд мажлиси саëз ëзилган сценарийни эслатади. Рассом Элсевар Eltuz.com
Блоглар
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...
11 сентябр 2020
“Биз томонларгаям коронавирус инфекция етиб келди. Қишлахта ўн бешта одамда ўша касаллик бор экан”,- деди ...
7 сентябр 2020
Бизда бугундан совуқроқ кузак шамоли бошланди. Мен каби совуққа юпқа одамлар енги узун кўйлак кийиб ...