Асосий мавзулар
25 июн 2021

TV ALC архивидан: Юлдуз Усмонова билан суҳбат

Техник сабабларга кўра, бугун жума ваъзи эфирга узатилмайди. Аммо азиз муштарийлар учун бир пайтлар Урганчдаги мен ишлаган ТВ АЛС да намойиш қилинган суҳбатни архивдан топиб тақдим қилмоқчиман.

1994 йилдан то 1999 йилгача Урганчдаги мустақил телелеканал бош муҳаррири бўлиб ишлаганман. Ўша пайтда Шерали Жўраев, Бобомурод Ҳамдамов, Раҳматжон Қурбонов, Ирода халфа ва бошқа қўшиқчилар билан суҳбатлар қилиб эфирга узатгандик.

1998 йили Юлдуз Усмонова тақиққа тушди. ТВ АЛСнинг шиори мазлумларнинг ëнида туриб ҳамдард бўлиш эди. Усмонова ўша пайтда Низомий номидаги пединститут ëнидаги боққа ëндош уйнинг иккинчи қаватида турарди. Женя исмли яҳудий тасвирчи ва ўша пайтда бизнинг каналда ишлаган акам Шуҳрат Бобожон Усмонованинг уйига бориб суҳбат қилишди.

Нимаики ëзиб олсак, ҳаммасини эфирга бердик. Эртасига МХХдан бир одам келиб, нега, нима учун, деб савол берди. Биз унга: «Усмонова шу кунда тақиқда, биз эса овозсизларга микрофон тутиш учун вазифаланганмиз», деб жавоб бердик. Погонли амаки ҳам юзида тушунган ифодани ëқиб бадар кетди…

Балки бугун дазмолни ëқсангиз ҳам Юлдуз чиқиб келар. Аммо ўша пайтда аҳвол бошқача эди. Хуллас, суҳбатни томоша қилинг.

Ассалом, Ўзбекистон, жума муборак!

Eltuz муҳаррири Қудрат Бобожон

Тағин ўқинг
30 ноябр 2015
Кўргазмада собиқ СССРнинг 14 мамлакатидан 74 нафар рассомлар иши тақдим қилинмоқда. Ўзбек рассоми Вечеслав Оҳуновнинг «Юлдузлар ҳиёбони» инсталляцияси Kuhlhaus ...
1 ноябр 2019
Кеча Манғитдан Қозоғистоннинг Тароз шаҳрига бориб таксичилик қилаëтган амаки билан гаплашдим. Тароз Ўзбекистондан яхши, деди у одам. Нега яхши ...
12 ноябр 2018
Яқинда Ўзбекистон Президенти Шавкат Мирзиёев давлат ҳокимияти органлари раҳбарларининг мажбурий меҳнат кўринишларига йўл қўймаслик борасидаги жавобгарлигини ошириш тўғрисида фармон ...
1 июл 2021
«Элтуз» жамоаси 1 июлдан 30 кунлик меҳнат таътилига чиқади. Таътилдан кейин сиз, азиз дўстлар, кўзлари интизор сингиллар, меҳрибон опажонлар, ...
Блоглар
15 август 2022
Таниқли сиёсат арбоби ва шоир Мухаммад Солиҳ суҳбатининг давомида севимли аёли Ойдин хоним билан кечирган ...
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ...
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...