Асосий мавзулар
21 ноябр 2021

Ферузаларга доимо қийин бўлган

Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим сал олдин. «Сенга гул отган оломон сиëсатга кирганингдан кейин тош отади. Тирноғинг остидан кир қидиради» ва уларда бу ҳақ бор. Чунки сиëсатга кирган одам сайловчига бу ҳуқуқни беради. Чидаганга чиқарган. Урушда туриш йўқ.

Энди бугунги ўзбек жамиятида аëл бошинг билан сиëсатга кириш ўн марта оғир. Чунки омма назарида хотиннинг ўрни ўчоқни ëнида. Қўли косов, сочи супурги бўлиб уйда кўмилиб ўтириши керак. Шу маънода ўртачирчиқлик депутат Феруза Бабашева зиммасидаги юк ўта оғир. Унинг аҳволи тегирмон билан курашган Дон Кихот аҳволидан оғир.

Дон Кихотнинг ëнида Санчо бор эди ҳар ҳолда. Ҳозир Феруза билан гаплашиб, дардини тингладим. «Бир нарсани билмасангиз, ёзманг! Бошқалар ҳам ëзмасин, танаси бошқа дард билмас», деди Феруза:

«Менинг бошимдан нималар ўтганини сиз қаердан биласиз? Буни сизнинг қизингиз, фарзандсиз ҳар куни уйингизга йиғлаб келса биласиз, 100 марталаб ўзини ўлдирмоқчи бўлса биласиз. Ёмон йўлга юрмай, бировга 2, 3, 4, 5-хотин бўлмай, деб фарзанд олиб боқса биласиз. Эрининг хиёнатидан кейин ажрашиб, 11 йил ёлғиз яшаса биласиз. Аллоҳдан тилаб олган боласини кўнгли, қадри учун оилам бор, деб юрса биласиз. Умрини, ҳаётини, ўзини нима биландир овутиб, Ватан учун, халқ учун беминнат ишлаб юрса биласиз. Ўзида яшаш учун куч топиб юрса биласиз. Ношуд, пасткашлар қўлида хўрланса, хор бўлса биласиз…

Айтинг-чи, мени муҳокама қилиш сизгами шунда? Менинг индамаганим заифлигим эмас!»

Суҳбат давомида Феруза унинг бошига тушган кўргулик ҳеч бир хотин-қиз бошига тушмаслигини тилади.

Жорий йилнинг 7 августида ижтимоий тармоқларда тарқалган бир видеода Тошкентдаги кўп қаватли уйлардан бирининг балконида жинсий алоқа қилаётган жуфтлик акс этган. Унга берилган изоҳда видеодаги аёл журналист Феруза Нажмиддинова дея тақдим қилинган ва бу исботини топмаган эди.

1964 йили Латиф Файзиев «Улуғбек юлдузи» деган фильмни суратга олди. Мақсуд Шайхзода асари асосида олинган бу фильмда султоннинг Феруза исмли хотини махаллий халқ ғийбати марказида қолади. Ферузаларга доимо қийин бўлган.

Рассом Туз.

Тағин ўқинг
30 ноябр 2016
Наманган шаҳридаги бюджет идоралари ва мактаб ходимларига Артел дўконларида сотилаëтган лампочкалардан камида икки донадан сотиб олишга мажбур этилаётгани ҳақида ...
1 март 2019
Ассалому алайкум. Бугунги ваъзни қўшиқ билан бошласам. Мард йигит меҳмонга кўксини очибномардни меҳмондан қочишин гўринг… Бу қўшиқ матнини 18-асрда ...
24 декабр 2018
Бош вазир Абдулла Арипов 23 декабрь куни Хотин-қизлар қўмитаси йиғилишида Тошкентдаги барча эски уйлар бузилиб, ўрнига янгилари қурилиши ҳақида ...
24 март 2024
Москва яқинидаги «Крокус сити ҳолл» концерт залида содир этилган теракт учун жавобгарликни ИШИДнинг Афғонистондаги бўлинмаси — ИШИД-Хуросон гуруҳи ўз зиммасига олди, деб ёзмоқда The New York Times нашри. Бу ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...