Элтуз – ойдинлар билан бирга

Тармоқда икки тоифа муллалар бир-бири билан қирпичоқ бўлмоқда.

1-тоифа: Ҳукумат ва ДХХ йўриғида юриб чизиқдан чиқмайдиган «мўътадиллар»

2-тоифа: ИШИД ва Толибон форматидаги халифалик қуриш ҳаëлидаги зомби утопист «ашаддийлар».

Бу иккала гуруҳ ҳам илмдан нафратланади, тамал саводи йўқ¸ миллат ҳамда давлат қадриятларига ëт унсурлардир.

Ҳукумат тарафидаги битта мулла «эркак врач аëлларни даволамасин», деб чиққани эсингизда.

Яна бир қизил мулла эса «Мона Лиза асари ҳаром» дея чиққан эди.

Бу тарафдаги ашаддийлар эса такфир байроғини кўтариб: «Кофирларни ўлдириш» чақириқларини кофирлар ўйлаб топган платформалар орқали ëйинлаб ëтишибди. Бу икки гуруҳ ташқаридан икки хил бўлиб кўринади, аммо уларнинг илдизи бир.

Бу ягона илдиз – нафрат, аëлларни камситиш, тараққиëт ва илму ирфонга зид қадимчилик тамсили.

Бир илдиздан ўсган қадимчиларнинг бу икки бутоғини жадид боболаримиз рад қилган.

Бу икки гуруҳдан миллатга ва давлатга фақат зарар келмоқда ва келади.

Хозир қочган ҳам, қувган ҳам @EltuzTG дейдиган замонда бу икки гуруҳ бизнинг қўлимиз билан бир-бирларига тош отмоқчи.

Биз жадид оталар васиятига амал қилиб, икки гуруҳ «разборкаси»га аралашмаймиз.

Биз юксак манзилларга кўз тикиб, илму ирфон¸ техникавий тараққиëт¸ демократия ва либерализм тарафидамиз.

Эски обжувозлардан чиқиб, миллат томирига болта урмоқчи бўлган қадимчилар тушларини сувга айтсин.

Ойдинлик сари юраëтганлар билан биргамиз.

Рассом Туз