Кўзқараш
5 апрел 2022

Ўқитувчилар: «Мактабимизга бир келиб кетинг, муҳтарам президент!”

Қашқадарё вилоят, Қарши туманидаги 12-сон мактаб ўқитувчилари Элтузга йўллаган мактублари орқали ўз директорлари устидан президент Шавкат Мирзиёевга шикоят қилишмоқда. Улар мактубларида президентнинг келишини йўллар асфальт қилиниб, уйларнинг кўчага қараган деворлари оқланаётганидан сезишганини ёзишган. Шу мактуб орқали Президент Мирзиёевдан мактабдаги аҳволни келиб кўришини сўрашган. Элтуз мактубни тўлиқ (айрим жиддий имло хатоларинигина тўғирлаган ҳолда) эътиборингизга ҳавола қилади.

Қашқадарё вилояти Қарши туман ХТБга қарашли 12-сон мактаб директори Ҳақбердиева Сайёра етти йилдан буён рахбар лавозимида ишлаб келмоқда. Янги рахбар бўлиб келган вақтида саводсиз, савиясиз бўлишига қарамасдан юмшоқ феълли опа эди. Ҳозирги кунга келиб опа таълим сохасини шахсий бизнесга айлантириб олган. 12-сон мактаб Сайёра Ҳақбердиеванинг даромад бизнеси. Вазирлар маҳкамасининг 275-сонли қарори тўғри тақсимланмаганлиги 7-йиллик фаолиятида ўз исботини топиб турибди. Ҳурматли президентимиз Шавкат Миромоновичнинг, “ўқитувчини ҳурмат қилмаганни, мен ҳам ҳурмат қилмайман” деган жумлалари раҳбаримиз С. Ҳақбердиевага етиб келмаган кўринади, ўзи ўқитувчи бўлса ҳам.

Мактабда таърификация тўғри тақсимланмаган. Қонунга зид равишдаги ҳатти-ҳаракатлари ҳақида шикоят ёзиб, тегишли ташкилотларга мурожаат қилсакда ҳануз натижа йўқ. Қашқадарё вилоят ҳокими Муроджон Азимов вилоят ҳокими бўлиб тайинланганда у кишини прокуратура сохасидан келганлигини эшитгандик, кўп утмай, Қарши туман ҳокими Бекзод Юсуповлар ҳам прокуратура соҳасидан келганлигини эшитиб янада кувонгандик. Қарши туман 12 ,38-сонли мактаблардаги ноқонуний фаолиятларга энди чек қўйилади дея умид қилгандик, энди эса, “чучварани ҳом санаганимизни” тушуниб етдик.

38-мактаб ҳисобчиси Ҳақбердиева Тунуғ, 12-мактаб директори С. Ҳақбердиеваларга давлат бюджетини талон-тарож қилишга ҳеч қандай тўсиқ йўқлигини тушуниб етдик. Ҳурматли президентимиз Шавкат Миромонович тез орада Қашқадарё вилоятига ташрифингиз кутилаётганлигини,  кўча-куйда ободонлаштириш, йўл чизиқларининг чизилиши, қисқа-қисқа йўллар асфальт бўлаётганлиги, маҳаллаларда катта йўл ёқасидаги уйларнинг кўча қисмлари оқланаётганлигидан сезмоқдамиз.

Ташкилотларда фуқаролар билан ишлаш эмас, фақат расмий ҳужжатлар асосида фаолият олиб борилиб, жойларда раҳбарларни Президент ташрифи арафасида ташкилий ишлар билан кўчада юрганлигининг гувоҳи бўлдик. Демак, президентимиз келар эканлар.

Сиз келиб қўнадиган учоқдан 12 километр нарида Қарши туманидаги бизнинг 12-сонли мактабимиз жойлашган. Вақт топиб бизнинг мактабимизга ҳам бир назар солсангиз, ўқитувчиларимиз директоримизнинг хийлаю-найранглари, ирим-сирим, сеҳру-жоду амалларидан азият чекмоқда. Сизнинг адолатли ташрифингизни 12 , 38-сонли мактаб жамоаси кутиб қолади.

Ҳурмат билан

Қарши туманидаги 12-сон мактаб ўқитувчилари

Тағин ўқинг
25 апрел 2021
(Шоир ва сиёсатчи Муҳаммад Солиҳнинг «Императив» китобининг давоми. Матннинг аудиоверсиясини муаллифнинг ўзи ўқиган. Боши “Элтуз” нинг “Императив” рукнида. Давоми ...
18 март 2016
“Правда востока” газетасининг ёзишича, ўтган йили “Ўзавтойўл” акциядорлик компанияси корхона ва ташкилотлари умумий фойдаланишдаги автомобиль йўлларини қуриш ва таъмирлашга ...
4 феврал 2016
“Ўзбекнаво” эстрада бирлашмаси, 1 февраль куни – ўзбекистонлик таниқли хонанда Тамила (Эсмеральда Рахматова)нинг лицензиясиини бекор қилди. Тамиланинг лицензияси бекор ...
14 феврал 2019
12 февраль куни тармоқда Санкт-Петербургда қор кураётган ўзбеклар видеоси тарқалди. «Пул топиш жуда осон. Қорларнинг тагидан пул чиқади. Неча ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...