Нима учун биз Мустақиллик кунини расмий байрам сифатида нишонлаймиз?

Ўзбек халқи кимга, қайси режимга қарам бўлиб келган эдики, энди у ўзини озод, эркин миллат деб билади? Бир ярим асрдан зиёд вақт давомида ким бизнинг эркимиз, ҳақ-ҳуқуқимиз, миллий-диний қадриятларимизни, озодлигимизни поймол қилиб, милий бойликларимизни талон-торож қилиб келган эди? Ким она тилимизни иккинчи даражали тил сифатида кўриб, бизга ўз тилини давлат тили сифатида тиқиштириб келган эди?

Токи бир умр ўрисга қул бўлиб келган, ҳозиргача ўрисни ўзидан устун, ақлли кўриб, унга онг-ла тобе бўлиб қолган, Россия томонидан бугунги кунда, ҳа, айни дамда содир этилаётган геноцид ва халқаро террорчилик ҳаракатларини тўғри амал деб топиб, ўриснинг жиноятларини оқлашга уринаётган авлод вакиллари омон бўлиб, юртимизнинг турли вазирлик ва идоралари, муассаса ва ташкилотларида фаолият юритиб келар экан, юқорида қўйилган саволларга расман тўғри ва тўлиқ жавоб беришга журъат эта олмаймиз, юртимиз ҳаливери ўз миллий мустақиллигига том маънода эриша билмайди.

Бир сўз билан айтганда, одамларнинг шундай бир тоифаси бўлар эканки, қариган сари миллатдан қарғиш олиб боришни ўзига касб қилиб олар экан.

Астағфируллоҳ! Оллоҳ биздан гўзал охиратини дариғ тутмасин!

Истеъфодаги подполковник

Шокир Долимов