Ботқоқликда қолган Урганч суди

(Элтузга телеграм орқали келган мактуб)

“Хоразм вилояти Урганч туманлараро суд раиси Ё.А.Алмосов жаноби олийларининг бугунги кунда фуқароларга бюджет идоралари томонидан зарар етказилганлиги ҳамда ушбу зарарларни миқдорини ўз нафсидан келиб чиқиб белгиламоқда.

Нима эмиш, фуқаролар томонидан аризаларида кўрсатилган зарар учун қарор чиқариб бериши учун фуқаролар томонидан кўрсатилган отнинг калласидай пулларнинг бир қисмини бериши керак.

Яқинда Боғот тумани тиббиёт бирлашмасининг эркатой собиқ раҳбари Т.Кенжаевни қайта ишга тиклаш тўғрисидаги Ё.А.Алмосовнинг қарори қандай қонун ҳужжатлари асосида чиқарилган, билмасак ҳам, лекин қанча пулни қайси адвокат орқали олиб чиқарганини биламиз. Т.Кенжаевга нисбатан прокуратура томонидан жиноят иши очилган эди.

Ушбу жиноят иши доирасида ҳамма айбига иқрор бўлиб, пушаймонлик аризаси берган. Жиноий ишлар бўйича Тупроққалъа туман бўлими томонидан оқилона кўриб чиқилиб, Т.Кенжаевга нисбатан ЖКнинг 45-моддасини қўллаб ҳукм чиқарилган.

Энг қизиғи, Т.Кенжаев 2023 йилнинг февраль ойидан 2024 йилнинг март ойигача гўёки ўзини навбатчи шифокор сифатида ишлади, деб сохта ҳужжатларда кўрсатиб келган. Шу билан бирга жами 300 млн сўмдан ортиқ бюджет маблағларини ишлатиб, тергов жараёнида етказилган зарарни қоплаб берган.

Т.Кенжаев раҳбарлик қилган даврида унинг 6 та ходими департамент томонидан пора билан қўлга олинган. Ушбу ҳолатлардан келиб чиқиб Хоразм вилояти соғлиқни сақлаб бошқармаси Т.Кенжаев билан тузилган меҳнат шартномасини бекор қилган.

Бироқ Урганч туманлараро суд раиси Алмасов қонун ва меҳнат кодексига тупуриб Т.Кенжаевни ишга тиклаш юзасидан қарор чиқарган.

Ҳозирги кунда қонун устуворлигини таъминлаш ҳамда судларда коррупциядан йироқ кадрларни тайёрлаш ҳурматли Президентимиз талаби.

Шулардан келиб чиқиб Бош прокурор ва унинг жамоасидан Урганч туманларо суд раиси Ё.А.Алмосов томонидан чиқарилган қарорларини ўрганиб, ботқоқликни тозалаб беришларини сўраймиз.”