Дайжест
20 май 2016

Бутун Ўзбекистонни «тўлқинлантираётган» фармон

Ўзбекистон президентининг Тошкент давлат ўзбек тили ва адабиёти университетини ташкил этиш тўғрисидаги фармони бутун мамлакатни «тўлқинлантириб» юборди. Ҳар ҳолда ўзбек матбуоти шундай деб ёзмоқда.

Бу «тўлқинланиш»ни кўргандан кейин «эртага бугун аввал русча тайёрланиб, сўнг ўзбекчага ўгириладиган қонунлар энди ўзбекча ёзилса керак», «юқори давлат идораларида иш юритиш энди ўзбек тилида бўлса керак», «президентимиз халқаро анжуманларда энди русча эмас, ўзбекча гапирса керак» каби некбинлик пайдо бўлади.

Ўзбекистон халқ шоири Сирожиддин Саййиднинг кўзларидан оққан ёш эса бу некбинлигимизни янада кучайтиради.

«Биз ўзга юртлардаги адабиёт музейларига маҳлиё бўлиб, ҳавас билан қарардик. Президентимиз фармони билан янги очилажак университет таркибида Ўзбек тили ва адабиёти музейини ташкил этиш тўғрисидаги юксак эҳтиром ва эътиборни кўриб кўзимизда ёш қалқди», деб ёзди С.Саййид «Ўзбекистон овози» газетасида эълон қилинган мақоласида.

Аммо бу фармон ва юртбоши шаънига ёғилаётган мадҳларда учраётган «кичкинагина» ёлғонлар ҳам борки, улар аслида 25 йил кечикиб қабул қилинган ҳужжатнинг аҳамиятини янада пасайтирадигандек туюлади.

Хусусан, «Халқ сўзи» газетаси бундай ёзади: «…ҳали тоталитар тузум ҳукмрон бўлган турган мураккаб шароитда – 1989 йилнинг 21 октябрида Ўзбекистон раҳбари Ислом Каримов ташаббуси билан қарийб ярим асрлик қарамликдан сўнг ўзбек тилига давлат тили мақоми берилганини ёдга олиш мантиқан тўғри бўлур эди».

Аслида ўзбек тилига давлат тили мақоми берилиши бугун мамлакатдан ҳайдаб чиқарилган, барча етакчилари хорижда фаолият юритишга мажбур бўлаётган мухолифат кучларининг, ўша пайтларда кўнглига мустақиллик ишқи тушган ўзбек зиёли қатламининг, талабаларнинг босими билан амалга ошганини эсдан чиқармаган авлод ҳали тирик.

Шунинг учун кеч бўлса-да, қабул қилинган бу муҳим фармон ҳақида мадҳ тўқиётганда ёлғон аралаштирилмаса, унинг аҳамияти янада ортади.

Eltuz.com

Тағин ўқинг
13 июл 2017
15 июлдан табиий газ, иссиқлик ва электр нархлари қимматлайди. 21 июлдан эса сув нархлари кўтарилади. Ўзбекистон молия вазирлиги реестрига ...
10 ноябр 2017
Бу йил Ўзбекистонда мажбурий теримчилар – педагог, тиббиёт ходимлари ва бошқа турли касблардаги бюджет ва хўжалик корхоналари хизматчилари пахта ...
11 декабр 2017
9 декабрдан Тошкент шаҳридаги умумий овқатланиш шохобчаларини табиий газ тармоғидан бутунлай узиш бошланди. Газ идораси назоратчилари кафема-кафе юриб, уларнинг ...
4 май 2020
Австралиянинг The Daily Telegraph газетаси “Беш кўзли” (Унга АҚШ, Австралия, Янги Зеландия, Канада ва Буюк британия киради) разведка иттифоқи ...
Блоглар
30 апрел 2024
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ...
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...