Кундалик
2 сентябр 2016

Каримовдан кейинги Ўзбекистон

Конституция чекловига қарамасдан 27 йил президентлик лавозимида ўтирган Ислом Каримов дафн қилинар экан, ундан кейин ким бўлади деган савол ўртага чиқди. Совет тарихини билганлар “Ким жанозани ташкил” қилса ўша раҳбар бўлади дейишмоқда.

Демак республика Бош вазир Шавкат Мирзиëев назоратига ўтади. Мамлакат ташқи сиëсатида Ғарбдан узоқлашиш ва Россияга яқинлашиш жараëни бошланади.

Шу пайтгача Мирзиëев россияпараст, Молия вазири Рустам Азимов эса Ғарб тарафида деган стереотип мавжуд эди.

Бу стереотипнинг яшашга ҳақи борлигини айтган ҳолда баъзи деталларга эътиборингизни қаратсам.

Каримов ўлим тўшагида ëтган уч кун ичида Шавкат Мирзиëев ва Рустам Азимов бир неча марта учрашиб конценсусга келишди.

Бу келишувга кўра, Мирзиëев билан Азимов мамлакатни биргаликда бошқаришади (Путин-Медведев каби)

Кимнинг қайси лавозимда бўлиши ҳақида аниқ гап йўқ, лекин бошқарувда Россия ва Ғарб манфаатлари тенг инобатга олиниши борасида аҳд қилинган.

Ҳозирча билганим, мамлакат Каримов кўмилганидан кейинги илк ойларда мувозантли бошқарилади.

Ҳокимият Ўзбекистон МХХ раиси Рустам Иноятов, Бош вазир Шавкат Мирзиëев ва Вице премьер Рустам Азимов қўлида тақсимланади.

Олдимиздаги бир неча кун ичида Конституциянинг 96-моддасига кўра, Ўзбекистон раҳбарлиги шу кунларда сенат раиси Ниғматилла Йўлдошев зиммасига ўтади. Президентлик сайлови эса 25 декабрга белгиланди.

Сайлов натижаси ҳам олдиндан маълум.

Абдужамил Дўстмуҳаммад
Eltuz.com

Тағин ўқинг
18 март 2017
Кейинги 2 ой мобайнида Андижон шаҳрида олтита пичоқбозлик қайд қилинган. Андижон шаҳар Ички Ишлар бошқармасининг ўтган пайшанба махаллий нашрларга ...
3 июл 2019
Халқаро компаниялар Буюк Британиядаги корпоратив шаффофлик ва ҳисобдорликнинг заиф режимидан фойдаланиб, ватанидаги манфаатлари ва мулкини ниқоблаши мумкин. Кристиан Ласслетт ...
3 октябр 2015
Бугун Термиз шаҳрида соат 10-30 атрофида, вахима Президент Ислом Каримов келяпди деб, толиблардан қўрққан ИИБ ходимлари бутун Термиз шаҳрини ...
23 май 2016
Ҳаво исиши билан сиқилган газнинг биржадаги нархи арзонлади, бироқ бу нархларнинг ахолига даҳли йўқ. Сўнгги ойларда биржа бозорида сиқилган ...
Блоглар
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...
16 май 2020
Ўзбекистондаги, Қозоғистондаги, Болтиқбўйидаги рус тилли зиёлилар ва фуқаролар қанчалар ақлли, асосли аргумент келтирмасин, қанчалик дўстона ...