Асосий мавзулар
19 декабр 2016

Карлов ўлдирилган жойда ўзбек элчиси ҳам бўлган

Анқарадаги замонавий санъат галереясида рус фотосуратчиларининг «Россия турклар нигоҳида» кўргазмасининг очилиш маросимида ваъз ўқиëтган Россиянинг Туркиядаги элчиси Андрей Карлов отиб ўлдирилди.

Баъзи манбаларга кўра, Мерт Олтинтош турк полицияси тезкор гурухи зобити бўлган

Воқеа жойида Ўзбекистоннинг Туркиядаги элчиси Улфат Қодиров ҳам бўлган. Қотил илк ўқни узган пайтда Қодиров биринчилардан бўлиб зални тарк қилган.

Кўргазма бўлаëтган залга «полицияданман» дея кирган замонавий костюм шимли киши аввалига осмонга ўқ узиб «даф бўлинг ҳаммангиз» дея бақирган. Кейин эса элчининг елкасига ўқ узган.

Қотил элчига қараб кетма-кет ўқ узаркан, «Ҳалабда ўлдирилган норасида гўдаклар учун қасос оламан. Оллоҳу Акбар» дея ҳайқирган.

Россиянинг Туркиядаги элчиси Андрей Карлов қотиллик содир этилган пайт Царь пушка ва учта замбарак ўқи акс этган расм фонида нутқ сўзлаётган эди.

Одамлар зални тарк этганидан кейин қотил элчига қараб яна ўқ узган.

Аснода қотил турк махсус кучлари тарафидан ўлдирилган.

Россия расмий манбалари рус элчиси Андрей Карловнинг ўлганини тасдиқлади.

Элтуз мухбирининг аниқлашича, рус элчисини ўлдирган 22 яшар йигитнинг исми Мерт Олтинтош бўлган. Баъзи манбаларга кўра, у ҳақиқатдан ҳам турк полицияси тезкор гурухи зобити бўлган.

Россиянинг Сурияда олиб бораëтган ҳарбий ҳаракатларига жавобан қуролли ҳужум уюштирилгани иддао қилинмоқда.


Eltuz.com

Тағин ўқинг
2 сентябр 2016
Конституция чекловига қарамасдан 27 йил президентлик лавозимида ўтирган Ислом Каримов дафн қилинар экан, ундан кейин ким бўлади деган савол ...
7 феврал 2017
Шу кунларда ҳокимлар, президентнинг вилоятга қачон келиши хақида фол очишмоқда. Мирзиёевнинг истаган вақт, истаган ҳудудни бориб кўриш хоҳиши, вилоят ...
3 май 2019
Ўзбекистонда Москва расмий нуқтаи назарини тарғиб қилувчи Вести.уз сайти  30 апрель куни 18 нафар маданият арбоби имзоси остидаги рус ...
20 январ 2017
Ўзбекистон Президентининг 2017−2021 йил стратегиясига оид фармонига кўра, ички ва хорижга чиқиш паспортларини жорий қилиш ва хорижга чиқиш учун ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...