Дайжест
30 декабр 2016

Ўзбекистоннинг расмий хабарлар сайти чироқ йўқлиги учун ишламай қолди

Kun.uz сайти 27 декабрь куни электр энергиясидаги узилишлар туфайли бир неча бор ишламай қолганини маълум қилди.

Сайт бунга баъзи бир мансабдор шахсларнинг лоқайдлиги сабаб бўлганини билдирган.

«Таҳририятимиз бир неча бор мутасадди ташкилотлар билан боғланишга уриниб кўрди. Натижада сансалорликка дуч келинди, яъни бир амалдор шахсга қўнғироқ қилсак, у бошқа бирини бизга рўкач қилишдан бўшамади. Якунда ташкилотнинг масъул шахсларидан бири бизга бир соат ичида ҳаммаси изга тушиши борасида ваъда берди», деб ёзилади бу ҳақдаги мақолада.

«Маълумотларга кўра, Тошкент шаҳрининг Мирзо Улуғбек туманидаги баъзи бир мавзеларда электр таъминоти бир неча соат давомида бўлмаган. Бу ҳолат оддий фуқароларга нақадар қийинчилик туғдириши ҳақида гапирмаса ҳам бўлади. Энг қизиқ томони шундаки, бу ҳолатларга ўзимиз ҳам кўникиб қолдик», дея қўшимча қилади сайт.

Ёзилишича, мутасадди ташкилот вакили Тошкент шаҳрининг ҳар бир туманида қишки кунларда бир ҳафтада икки бора икки соатга электр таъминотини ўчириб қўйишга ҳам буйруқ берилганини айтган.

Сайт мақолада кўтарилган муаммога мамлакат президентининг Конституция кунидаги маърузасида айтилган гапларини қалқон қилиб, у аҳоли мурожаатлари билан ишлашда сифати жиҳатидан мутлақо янги тизимга ўтиш зарурлигини таъкидлаганини эслатиб, бу борада амалдорлар «ўз зиммасига катта масъулият юклатилганини унутмаслиги лозимлиги»ни уқтиради.

«Kun.uz таҳририяти электр таъминотидаги узилишлар фақатгина ўзининг фаолиятига салбий таъсир этгани учунгина бу мавзуни кўтармади. Бизнинг мақсад – мансабдор шахсларнинг масъулиятини янада оширишга чақиришдан иборатдир», дейди сайт.

Таъкидлаш керакки, сўнгги вақтларда маҳаллий нашрларнинг айримларида Ўзбекистонда мавжуд электр тақчиллиги тўғрисидаги кичик-кичик лавҳалар кўпайиб қолди.
Лекин бу лавҳаларда мавжуд муаммонинг илдизларини очиқ таҳлил қилиш, давлатнинг унга ечим топишга ожизлик қилаётгани, чироқ йўқлиги халқ ҳаёти ва иқтисодиёт ривожига қанчалик салбий таъсир этаётгани масаласи кўтарилаётгани йўқ.

Kun.uz даги мақоладан хулоса шуки, бу муаммо пойтахтни ҳам қамраб оляпти, демакки тобора чуқурлашиб боряпти. Шундай экан, вилоятлардаги электр тақчиллиги муаммоси ҳали бери ҳал этилмаслигини очиқчасига тан олиш вақти етмадимикин?

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
19 апрел 2018
Истанбулдаги Отатурк аэропортига Тошкентдан учиб келган ўрта ëшдаги ўранган ўзбек аëли 5000 қути сигаретани яширинча ўтказмоқчи бўлганида божгирлар қўлига ...
8 март 2020
Миллий хавфсизлик хизмати (ҳозирги Давлат хавфсизлик хизмати)нинг собиқ раиси Рустам Иноятов Ўзбекистон теннис федерацияси раҳбари лавозимидан истеъфога чиқди. Бу ...
14 октябр 2019
Ўзбекистон Сенати раиси Танзила Норбоева “катта маблағ ва бошқа ресурслар эвазига саҳрога айланган Орол денгизи ҳудудида турли дарахтлар экилаётган ...
17 август 2017
Матлуба Азаматова 1965 йил Андижон шаҳрида туғилган. Максим Горький номли Адабиёт институтида таҳсил олган. Британиянинг IWPR институти ва Би ...
Блоглар
22 ноябр 2024
Қудратлар айрилган тузум, яъни демократия автократиядан яхшидир. Бу гапни айтавериб тилим қаварди. Демократик жамият бўлган ...
28 октябр 2024
(Элтузга телеграм орқали келган мактуб) “Хоразм вилояти Урганч туманлараро суд раиси Ё.А.Алмосов жаноби олийларининг бугунги ...
24 октябр 2024
Бир одам ҳаммага яхшилик қилишга сўз берибди. Қўшниси келиб уни отини сўраб олиб миниб кетганича ...