Асосий мавзулар
8 март 2020

Рустам Иноятов яна бир лавозимидан айрилди

Миллий хавфсизлик хизмати (ҳозирги Давлат хавфсизлик хизмати)нинг собиқ раиси Рустам Иноятов Ўзбекистон теннис федерацияси раҳбари лавозимидан истеъфога чиқди. Бу ҳақда Podrobno.uz сайти хабар бермоқда.

Мазкур истеъфо ҳақида федерациянинг 5 март куни бўлиб ўтган фавқулодда ҳисобот-сайлов конференцияси жараёнида маълум бўлди. 

Анжуманда федерациянинг янги президенти лавозимига Ташқи иқтисодий алоқалар миллий банки бошқаруви раиси Алишер Мирсоатов номзоди кўрсатилди. 

Конференция иштирокчилари ушбу номзодни бир овоздан маъқулладилар ҳамда Алишер Мирсоатов Ўзбекистон Теннис федерациясининг раҳбари деб эълон қилинди. 

«Мен янги раҳбарингиздаги бой тажриба билан теннисда юксак натижаларга эришишингизга ишонаман. Шу билан бирга, федерацияни узоқ йиллар давомида бошқариб келган Рустам Иноятовга ҳам алоҳида миннатдорлик билдирмоқчиман. 

Унинг раҳбарлиги остида Теннис федерациясида иш профессионал тарзда йўлга қўйилди. Ижозатингиз билан Рустам Расулевични федерациянинг фахрий президенти этиб сайлаш таклифини киритаман», деди Миллий Олимпия қўмитаси президенти Рустам Шоабдураҳмонов. 

Конференция иштирокчилари ушбу таклифни маъқуллашди ва Рустам Иноятов Ўзбекистон Теннис федерациясининг фахрий президенти бўлди. 

«Теннис менинг севимли спорт турларимдан бири. Эътироф этиш керак, собиқ раҳбар бу соҳада профессионал иш олиб борди ва мен ҳам янада кўпроқ ишлашим керак. 

Биз жамоа билан бирга теннисни ривожлантиришга астойдил ҳаракат қиламиз ва янги мақсадларни амалга оширишга ваъда бераман. Ҳар доим Ўзбекистон байроғи халқаро майдонда баланд кўтарилганда мен бағоят ғурурланаман. 

Бундан буён мана шундай ғалабаларимиз теннис билан янада кўпайишига ҳаракат қиламиз», деди Алишер Мирсоатов.

46 ёшли Алишер Мирсоатов 2017 йил 30 ноябрдан бери Ташқи иқтисодий алоқалар миллий банки бошқаруви раиси лавозимида ишлаб келмоқда.

Собиқ раҳбар Рустам Иноятов эса Ўзбекистон теннис федерациясини 1999 йилдан шу кунгача бошқарган.

1976-81 йилларда КГБнинг Афғонистондаги дипломатик агенти бўлган Рустам Иноятов 1995 йилдан то 2018 йилгача Ўзбекистон Миллий ҳавфсизлик хизматини (МХХ) бошқарган.

2018 йилнинг бошида МХХ идорасининг номи ДХХга ўзгартирилиши ортидан президент Мирзиёев Рустам Иноятовни лавозимидан бўшатган, бироқ уни ўзига маслаҳатчи этиб тайинлаган эди.

Eltuz.com

Тағин ўқинг
18 сентябр 2023
Қозоғистон аста-секин, лекин муттасил Россиядан узоқлашмоқда. У ерда русларга қарши кайфият ҳар соатда аниқроқ ва яққолроқ кучаймоқда, дея ёзди ...
30 сентябр 2023
Шанба куни Берлин марказида айланиб юриб, тасодифан бир никоҳ тўйининг гувоҳи бўлдим. Тўй кортежи биттагина аравачали велосипеддан иборат эди. ...
13 июн 2023
Юнонларнинг Марказий Осиёга сургун қилинишининг сўнгги босқичи Сталин томонидан 1949 йил 13 июнга ўтар кечаси амалга оширилди. Бир кечада ...
9 апрел 2015
Бугунги кунда аҳборот қатламида Россия амалга ошираётган ишларни, нафратни қўзғашдан бошқа нарса дея атаб бўлмайди, дейди журналист Қудрат Бобожонов.  ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...