Асосий мавзулар
18 январ 2017

Битирувчилардан ишга кириш шартномаси талаб қилинмоқда

Шу кунларда, кўплаб ота оналар коллежни тамомлаётган фарзандларига тўрт томонлама шартномани имзолатиш учун иш берувчилар эшигида сарсон бўлишмоқда.

Ҳали ўқиш тугашига беш ой вақт бўлса-да, ота-оналарга шартномаларни эртароқ тайёрлаб қўйиш вазифаси юкланган.

«Агар коллежга бирор ташкилотдан битирувчини ишга оламан, деган мазмунда тўлдирилган шартномани олиб бормасак, фарзандимизга диплом берилмас экан» – дея тушунтирди бу вазиятни Элтузга ота-оналардан бири.

Суҳбатдошга кўра, илгари ҳам битирувчилар билан бундай расмийтчилик шартномаси тузиб келинган, фақат у учёқлама имзоланган, «бу йил эса ҳокимлик ҳам қўшилиб тўрт томонлама имзоланадиган бўлган.

Шу боис эндиликда иш берувчилардан бундай шартномани олиш ҳам қийинлашган.

«Қайси ташкилотга борманг “Менда иш ўрни йўқ, бу ишга бошим билан жавоб бераман” дея кўзбўямачилик учун ҳам шартнома имзолашни хоҳлашмайди», дейди бу йил қизи коллежни тугатаётган ота.

Агар қаловини топсангиз…

Элтуз суҳбатлашган ота-оналардан бирига кўра пулни каттароқ қистириш йўли билан муаммони ҳал қилиш мумкин.

«Масалан, мактаб директорига 100 доллар ва ундан кўпроқ “пора” сифатида узатсангиз, ишингиз осон битади», дейди у.

Унинг сўзларига кўра, ўшанда ҳам мактаб директори “қизингиз ёки ўғлингиз битирса, менга иш сўраб келмайсиз-а” дея минг марта рози ризолик сўраб олишади.

Шу тариқа қоғозда барча битирувчилар «ишли бўлган» ҳисобланади, аммо ишсизлар сони ортиб бораверади шартнома келтирмаган талабаларга диплом берилмайди.

Шахсан Мирзиёевнинг топшириғига кўра

Тўрт томонлама шартнома ғалваси Мирзиёевнинг янги иш ўринлари ташкил қилиш ҳақидаги топшириғи билан боғлиқлиги иддао қилинмоқда.

Вазирлар Маҳкамасининг 14 январ куни ўтган кенгайтирилган йиғилишида Шавкат Мирзиёев, Ўзбекистонда янги иш ўринлари ташкил қилиш топшириғини бажарган ҳокимларни пул билан рағбатлантириш, бажармаганлар ойлигидан эса 15 % ушлаб қолиш кераклигини билдирган эди.

Шу маънода Фарғона вилояти мутасаддилари ишсизлик муаммосини қоғозда тезроқ ҳал қилишни исташаётган кўринади.

Тўрт томонлама имзоланадиган бу шартнома, айни пайтда битирувчини иш билан таъминлашдан кўра унинг коллеж директори олдида, директорнинг эса ҳоким олдида, ҳокимнинг эса Мирзиёев олдида ҳисобот топшириши учун керак.

Бироқ, расмиятчиликдан иборат бу тадбир ёшлар орасидаги ишсизлик муаммосини ҳал қилиши даргумон.

Насима Даврон қизи
Ўзбекистонлик муаллиф таҳаллуси
Eltuz.com

Тағин ўқинг
22 май 2018
Президент келиб кетгач, андижонликлар енгил нафас олишди. Бугун менимча раҳбарлар ҳам тўйиб ухлашган бўлишса керак. Халқимиз меҳмондўст, меҳмон кутиб ...
13 октябр 2016
Гулнора Каримова дея ишонилаётган Афина@zabitaya1972 юзери бугун аккаунтининг бузилгани ҳақида хабар қолдирди. «Менинг қадрдонларим, менинг профилимни бузишди! Бутун кун ...
26 феврал 2019
26 февраль куни «Ўзбекконцерт» давлат муассасаси «лицензия талаблари ва шартлари қўпол равишда бузилгани, миллий урф-одатлар, одоб-ахлоқ, маънавий қадриятларга ёт ...
12 сентябр 2019
Ўзининг “Америка касаллиги” билан оғриганини тан олган амалдор халқни кўп гўшт еб қўяётганликда, бунинг натижасида гўшт нархи кўтарилиб кетаётганликда ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...