Асосий мавзулар
21 май 2017

Ўзбек қизини турк жазмани ўлдириб жасадини мусорга ташлади

Туркиянинг Истанбул шаҳри Фотиҳ тумани Қумқопи маҳалласида 35 яшар Ўзбекистон ватандоши Дилдора Иномовани ўлдириб жасадини мусорга ташлаган муҳтамал қотил ҳибсга олинди.

Туркиядаги Hurriet газетасининг ëзишича, тергов пайтида 28 яшар Йилмаз Ëвузарслон ўз ўйнаши Дилдора Иномовани ўлдирганини бўйнига олди. (Суратда: Й.Ёвузарслонни қўлга олиш пайти, Hurriet)

4 фарзанднинг отаси бўлган Йилмаз Ëвузарслон яширин севги муносабатлари фош бўлмаслиги учун Дилдорани ўлдирганлигини сабаб ўлароқ кўрсатган.

Дилдора Иномова

Тергов ҳужжатларига асосланган маҳаллий турк матбуотининг ëзишича, Ўзбекистон ватандоши Дилдора Иномова бир неча йилдан бери Йилмаз Ëвузарслоннинг ўйнаши бўлган.

Жиноят юз берган куни ўзбекистонлик аёл, биргаликда тушган расмларини хотинига юборишини айтиб, ўйнашига таҳдид қилган. Икки ўртадаги жанжал жиноят билан тугаган.

Жомадондаги жасад

Дилдора Иномованинг жасади бир неча кун аввал ахлат контейнерида, чамадонга солинган ҳолда топилган эди. Кузатув камералари тасвирларини текширган турк полицияси беш кундан кейин қотилликда гумон қилинган шахсни топишга муваффақ бўлди.

Турк матбуотининг ëзишича, Йилмаз Ëвузарслон аввалига Иномовани калтаклаган, кейин ошхонадан ошпичоқ олиб чиқиб, тўрт марта пичоқлаган.

Дилдоранинг жони узилмаганлигини кўрган маъшуқ уни то ўлгунича бўғиб турган. Ўлганидан кейин қўл-оёқларини боғлаб халтага солган. Халтани эса чамадонга солган кўчадаги аҳлат қутисига ташлаган.

Турк полицияси ўз тасарруфида, Йилмаз Ëвузарслонинг чамадонни елкасида кўтариб келиб мусор контейнерига ташлагани акс этган видеотасвирлар борлигини матбуотга билдирган.

Қотиллик юзасидан тергов ҳаракатлари олиб борилмоқда.

Eltuz.com

Тағин ўқинг
3 март 2022
Ўзбек мигрантининг Путинга мурожаати телеграмда элга овоза бўлди. «Здараствуйте, Путин Валадимирович ака. Я мигрант Ўзбекистона. Дайте мне аружия. Я ...
16 март 2022
Намангандаги солиқ амалдорларининг коррупцион жиноятлари ҳақида мамлакатнинг энг олий идоралари раҳбарларидан бири далил келтирганига қарамай, улар ўз фаолиятларини бамайлихотир ...
3 май 2024
РТ: Мана бугун яна бир жумада сизлар билан юзма-юз, кўзма-кўз дийдор кўришдим, азизларим. Бугун сизга айтар шум хабарим йўқ, осмон ...
10 январ 2018
14 январь куни деновликлар ўтган йили Гиннесга кирган мега палов рекордини янгилашмоқчи. Рассом Туз эса рекорд концептини янада улканроқ ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...