Қадимий асарларни ўғирлаган ўзбек аëл Туркияда қўлга олинди

13 июл куни Измирнинг Дикили туманида қадимий Рим даврига оид тарихий асарларни ўғирлаб кетаëтганликда айбланган Ўзбекистон ватандоши бўлган Н. А исмли аëл қўлга олинди.

Hurriyet газетасига кўра, маҳаллий полиция Дикилининг Жондорли маҳалласида Ўзбекистон ватандоши бўлган аëлнинг тарихий ëдгорликларни ўғирлаб мамлакатдан олиб чиқиб кетмоқчи бўлгани ҳақидаги хабар ортидан қўлга олиш ҳаракатини бошлаган.

Аëл қўлга олинганида унинг ëнидан 20 та қадимий танга, узук ва қирол боши шаклида ясалган қадимий ҳайкалчалар топилган.

Қадим Рим даврига оид бу асарлар Бергама Музейига қайтарилди.

Ўзбекистонлик аëл тергов пайтида тарихий асарларни мердинлик бир кишидан олганлигини иддао қилмоқда.

Аëл тарихий асарларни ўғирлашда гумон қилиниб судгача ҳибсга олинган.

Eltuz.com