Асосий мавзулар
12 сентябр 2017

Фарғонада ҳам пахта кампанияси бошланди

“Элтуз” нашрининг Фарғона вилоятидаги манбаларига кўра, туманларнинг узоқ ҳудудларида ўқитувчи, шифокор ва талабалардан таркиб топадиган терим отрядлари учун ётоқ жойлари, нон ва озиқ-овқат маҳсулотлари тайёрлаб қўйилган.

Мақоланинг аудио версиясини тинглаш:

“Бу йил ўқитувчи ва шифокорлар пахтага чиқарилмайди, дейилган эди. Аммо асосий ишчи кучи – бюджет ташкилоти ходимлари”, – деди “Элтуз” мухбири суҳбатлашган Фарғона вилояти ҳокимлигида ишловчи ходим.

Унинг сўзларига кўра, тез кунларда ўқитувчи ва шифокорлар оммавий равишда теримга жалб этилади. Шунингдек, вилоятдаги бешта олий ўқув юрти – Фарғона политехника институти, Қўқон педагогика институти, Фарғона давлат университети, ТАТУ Фарғона филиали, ТТА Фарғона филиаллари талабаларига ҳам тайёр бўлиб туриш айтилган.

Қўқон пединститути талабалари ҳам стартда туришибди. Улар ҳафтанинг охиригача кетишлари мумкин.

Университет ўқитувчиларидан бирининг “Элтуз” мухбирига айтишича, факультетларда айрим курс талабалари қолиб ўқишни давом эттириши керак.

Бироқ бу ҳозирча аниқ эмас, улар 4 ёки 1-курс талабалари бўлиши мумкин. Шунингдек, оммавий пахта теримига олиб кетиладиган аниқ кун ва муддат ҳам номаълум.

“Ҳозирча бир нима дея олмайман, директоримиз барибир пахтага чиқишимизни айтди. Чунки чўл зоналарида теримчи-ҳашарчилар учун аллақачон жой ҳозирланган”, – деди мактаб ўқитувчиларидан бири.

“Элтуз” мухбири суҳбатлашган муаллиманинг ҳокимликда ишлайдиган турмуш ўртоғи ҳам бу йил ўқитувчи ва шифокорлар пахтага чиқарилишини айтган.

Шунингдек, Фарғона туманларидан бирининг тиббиёт бирлашмаси раҳбарининг хўжалик ишлари бўйича ўринбосари сўзларига кўра, бу ерда август ойи охирида йиғилиш ўтказилган.

“Ўшанда шифокорлар ва ўқитувчилар пахтага чиқмайди, дейишганди. Аммо 7 сентябрь куни яна катта йиғилиш бўлди ва биз чўл зонасига биринчи терим учун 200 нафар ходим беришимиз кераклиги ҳақида топшириқ олдик. Ўша куни бориб, ётоқдаги шароитни кўриб келдик. Мен завхоз сифатида икки кунда бир марта 200 кишига 50 дона буханка олиб боришим керак. Бошқа масаллиқлар 15-20 кунга етарли қилиб қўйилди. Пахта ёғи, макарон, гуруч, томат пастаси, шакар, мош, ловия, ёрма, нўхат. Ўтган йилгидек, фермер ҳашарчиларнинг тушлигини қилиб беради. Нонушта ва кечки овқат тиббиёт бирлашмаси ҳисобидан бўлади”, деди хўжалик мудири.

Насима Даврон қизи
Eltuz.com

Тағин ўқинг
15 октябр 2018
Ўзбекистонда Уй-жой кодексига киритилган ўзгаришларга кўра, эндиликда давлат ва жамоат эҳтиёжи учун олиб қўйилаётган уйларнинг фақат мулкдорларигина турар жой ...
30 ноябр 2016
Наманган шаҳридаги бюджет идоралари ва мактаб ходимларига Артел дўконларида сотилаëтган лампочкалардан камида икки донадан сотиб олишга мажбур этилаётгани ҳақида ...
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари орасида ўзаро боғлиқлик бор.  ...
13 ноябр 2017
Қозоғистоннинг Сайрам туманида яшовчи 34 ёшли Хайрулла Норметов “ўрис динига кириб кетгани учун” хотинининг қорнига пичоқ тиққанини иддао қилиб, ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...