Ўзбек диссиденти Мурод Жўраев вафот этди

Ўзбек қамоқхонасида 21 йил ëтган диссидент, қашқадарёлик Мурод Жўраев 65 ёшида 4 декабрь куни вафот этди.

«Эрк» демократик партияси фаоли бўлган Мурод Жўраев 80-йилларда Муборак шаҳри ижроқўми раиси лавозимида ишлаган, 1990 йили Ўзбекистон парламенти депутати этиб сайланган эди.

1995 йили Мурод Жўраев 159-модда бўйияча конституциявий тузумга тажовузда айбланиб, 12 йилга маҳкум этилган. Бироқ у 21 йил қамоқда қолди, 2015 йилнинг ноябрь ойида озод қилинди.

Мурод Жўраевга икки йил давомида виза беришмаган. ЎХҲ сайти унга ўлимидан олдин ҳорижда даволаниб келиш учун руҳсат берилганини билдирди, аммо у даволанишга улгура олмади…

«Элтуз» нашри марҳум диссидентнинг оила аъзолари ва дўстларига чуқур таъзия билдиради.

Eltuz.com