Асосий мавзулар
9 сентябр 2018

Имом Фазлиддин Парпиев тезисдан чиққани учун ишдан олинди

Тошкент шаҳрининг Юнусобод туманидаги «Омина» жоме масжиди имом-хатиби Фазлиддин Пардаев ишдан олинди. Ўзбекистон мусулмонлар идорасининг “Элтуз”да мавжуд бўлган 675-буйруғига кўра, 8 сентябрь куни имом вазифасидан бўшатилган. Ҳужжатга кўра, имом “Одоб комиссияси”нинг йиғилиш мажлиси қарорига асосан бўшатилган.

Расмий буйруқда имомни ишдан олишга асос қилиб, Меҳнат кодексининг 100-моддаси 2-қисми тўртинчи банди, яъни “ходимнинг малакаси етарли бўлмаганлиги ёки соғлиғи ҳолатига кўра бажараётган ишига нолойиқ бўлиб қолиши” қайд этилган.

32 яшар имом-хатиб 7  сентябрь жума куни соқол ва ҳижоб масаласида чекловларни қоралаб, мулозимларни президент қарорларини изчил бажаришга чақирган эди.

Бунинг арафасида Ўзбекистонда диний мавзуда тарғибот юритадиган ўнга яқин блогер қамоққа олинганди. Лекин имом ўзининг жума ваъзида блогерларнинг қамоққа олиш мавзусига айнан тўхталмаган. Бу чиқишидан кейин имом ДХХ ва диний идора мулозимлари билан суҳбатдан ўтказилган эди. Жума ваъзидан бир кун олдин имом Парпиев ўз яқинларига ва журналистларга Ўзбекистондаги дин билан боғлиқ мавжуд сиёсатни танқид қилиш режаси борлигини билдирган эди.

9 сентябр куни бир соатлик сўнгги лайф чиқишида Парпиев отасига босимлар бўлгани, “оиласи беқарор бўлган”ига ишора қилиб, олдинги чиқишларидаги мавзуда бошқа гапирмаслигини билдирди.

“Бу мавзуда мендан бошқа бирор лайфвидео ёки ҳеч бир бошқа фикр кутманглар. Агар мен бундан кейинги ҳодисаларга муносабат билдирмасам, менга маломат қилманглар. Бундан буёғига бўладиган гапларга мени аралаштирманглар. Мен бу вазифадан озод этилдим”, деди Парпиев.

“Омина” масжиди имоми Парпиев 7 сентябрь кунги видеомурожаати ҳукуматнинг ягона мактаб формасини жорий этиши ва ҳижобга қўйилган чекловларга норозиликлар кучайган пайтга тўғри келди.

Унинг Тошкентдаги “Омина” жоме масжидига имом этиб тайинланганига бир ой бўлган эди.

Фазлиддин Парпиев 2011 йилгача Мадина шаҳридаги Ислом универститетида ўқиган, 2016 йили эса Тошкентдаги Имом Бухорий Ислом институтини тугатган эди.

Eltuz.com

Тағин ўқинг
1 июл 2019
Шу кунларда Андижон вилояти ҳокими Шуҳрат Абдураҳмоновнинг республика даражасидаги раҳбарлардан тортиб маҳаллий амалдорларгача шалтағини чиқариб сўккани можароси ОАВлару ижтимоий ...
21 июн 2020
Бугун Ўзбекистонда ҳақиқий маънода мустақиллик куни сифатида нишонланиши керак. Чунки бундан 30 йил бурун, 1990 йил 20 июнь куни ...
6 июн 2016
Ўқувчиларимизга маълуму машҳур Қуддус Аъзамовнинг навбатдаги бир кўрсатуви “Тинчлик учун курашмоқ керак” мавзусига бағишланди. Ана ток шоу, мана ток ...
27 май 2016
“Адолат кўзгуси” газетаси бугунги ўзбек мактабларидаги ачинарли ҳолатлардан бири, яъни таълим муассасаларида сохта диплом билан дарс бераётган ўқитувчилар борлигига ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...