Асосий мавзулар
26 ноябр 2018

Малоҳат Эшонқулова: “Ўзбекистонда мажбурий меҳнат авж олишига МОТнинг ҳам ҳиссаси бор”

Мустақил журналист ва ҳуқуқ ҳимоячиси Малоҳат Эшонқулова Ўзбекистонда мажбурий меҳнат бартараф этилиши ўрнига авж олиб бораётганида Халқаро меҳнат ташкилоти (МОТ)ни ҳам айблади.

МОТнинг Ўзбекистонда мажбурий меҳнатга оид ҳисоботига бағишланган тадбирда сўзга чиққан М.Эшонқулова мамлакатда мажбурий меҳнатга барҳам беришга имкон қадар ҳаракат қилинаётганини эътироф этса-да, вазият яхшиланмаётганини билдирди.

У мамлакатда фаолият бошлаган чет эл ташкилотларининг иш услуби маҳаллий ҳукуматникидан қолип олаётганини танқид қилди.

“Раҳбариятимиз уларга тақлид қилмайди, аксинча, улар бизнинг қолипимизга туша бошлайди. Ана шу нарса мени ҳам ташвишга солади”, деди мустақил журналист.

М.Эшонқулованинг сўзларига кўра, “тўрт-беш йилдан буён Халқаро меҳнат ташкилоти Ўзбекистондаги ҳақиқий аҳволни баён этиш ўрнига негадир уларни хаспўшлашга, маҳаллий раҳбарларнинг айбини ёпишга, ҳақиқатдан кўз юмишга уринмоқда”.

“Агар МОТ ўзининг вазифасини сидқидилдан бажарганида эди, сохта ҳисоботларга берилмаганида эди, бугун ҳолат мана шу даражага келмаган бўларди”, деди у.

М.Эшонқулова, шунингдек, МОТнинг пахта терими мавсумида мажбурий меҳнатга оид мониторингларда бундай тадбирларни ўтказиш тажрибасига эга маҳаллий ҳуқуқ ҳимоячиларини эмас, тажрибасиз фаолларни жалб қилаётганини танқид остига олди.

У МОТни бундай иш услуби билан ҳукуматга ёқадиган қилиб тайёрланадиган ҳисоботларини оқлаш учун “Биз маҳаллий фуқаролик жамияти вакиллари билан мониторинг қилдик”, деган ўзига хос қалқон яратаётганликда айблади.

“Ўша танлаб олинган одамларга ачинаман мен. Уларда жасорат бўлишига шубҳам бор. Жасорат бўлиши учун одамда йўқотадиган нарсанинг ўзи бўлмаслиги керак”, деди ҳуқуқбон.

“Хорижлик меҳмонлар келаверади, кетаверади, бу Ватан бизники, муаммо бизники, ютуқ бизники, бахт ҳам, бахтсизлик ҳам ўзимизники. Ўзимизни ўзимиз алдамайлик. Бизга хонлик қиладиганлар эмас, балки ҳақиқий тенг ҳуқуқли хорижий ҳамкорлар керак”, дея қўшимча қилди М.Эшонқулова.

Мустақил журналист бу йилги мустақил мониторинг ўтказиш жараёнида зўравонликларга дуч келгани, хусусан, телефони синдириб ташланганини маълум қилди.

Жорий йилги пахта терими мавсумида мажбурий меҳнат ҳақида гапирган яна бир ҳуқуқ ҳимоячиси Елена Урлаева эса ўзи гувоҳ бўлган кўплаб қонунбузарликлар ҳақида гапирди.

У ўз чиқиши давомида Ўзбекистоннинг турли ҳудудларида бўлгани, барча жойларда мажбурий меҳнат ҳолатларига дуч келганини мисоллар билан айтиб берди.

Бўлиб ўтган тадбирда “Эзгулик” инсон ҳуқуқлари жамияти раҳбари Абдураҳмон Ташанов ҳозир мамлакатда кузатилаётган фермерларнинг қасамёд қилиш маросимларига эътиборни қаратди.

У бу маросимлар меҳнат қонунчилигига қанчалик мос келиши ҳақида мутасадди вазир ўринбосарига савол берди.

Ҳукумат вакили бу саволга тўғридан тўғри жавоб беришдан қочиб, масала мавжуд қонунчилик доирасида кўриб чиқилиб, жавоби жамоатчиликка етказилишини ваъда қилиш билан чекланди.

Eltuz.com

Тағин ўқинг
26 феврал 2020
25 февраль куни Гулнора Каримованинг Лондонда яшаëтган қизи Instagram саҳифасида онасидан президент Мирзиеевга йўлланган мактубни жойлаштирди.  Мактубда Каримова Ғарб ...
23 август 2018
«2000 йилларда, зоналарда хизмат қилаётган мелиса ходимлари ҳам аранг рўзғор тебратишаётгани, бунинг оқибатида Каримов олиб бораётган сиёсатга норози эканликлари ...
8 сентябр 2017
8 сентябр куни, эрталабдан автобуслар колоннаси Қорақалпоғистоннинг Тўрткўл шаҳри мактаб ўқитувчилари, мактабгача таълим муассасалари ва тиббиёт ходимларини оммавий тарзда ...
17 май 2023
Мексика АҚШ чегарасидаги кўлда балиқчилар тўрига ярим чириган жасад илинди. Текширилса, бу жасад Ўзбекистоннинг Челак туманида яшаган қашшоқ бўлиб ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...