Cатира
20 декабр 2018

«Божалар» энди «Яла» ансамблига айландими?

«Божалар» гуруҳи солисти Жаҳонгир Позилжонов 18 декабрь куни сийқаси чиққан «дигидон-дигидон» қолипидаги «Селфи» деб аталган янги клипини тармоққа қўйди.

«Агар мени фикримга қўшилсанглар, сизлар ҳам «Менинг президентим» деган хештег билан Инстаграм оламида атметка қилишингиз мумкин», дея таклиф қилди Позилжонов тармоқдагиларга.

Бироқ ҳатто президент Мирзиёевг сиёсатига мойил қатлам ҳам Позилжоновнинг янги клипини ижирғаниш билан қабул қилди.

«Сизни мақтаган одам сизнинг душманингиз эканига ишонамиз. Сизни ашаддий душманларингиз билан таништирамиз», дея ёзди президентга таниқли журналист Каримберди Тўрамурод «Селфи» клипини далил ўрнида келтириб.

«Мен президентимизнинг устидан Аркадағнинг устидан кулгандек кулишларини истамайман», дея ёзди блогер Шаҳноза Тўрахўжаева Туркманистон президенти шахсига шу йўсинда сиғинилаётганига шаъма қилиб.

Бундан илгари, 2017 йилнинг 3 июнь куни бошқа бир хонанда Дилфуза Исмоилованинг “Султонимиз омон бўлсин!” дея номланган Мирзиёевга бағишланган қўшиғи президент девони (бугунги кунда администрацияси) томонидан тақиқланган эди.

«Сен ўзинг сиёсатни тушунмасанг, мамлакатда бўлаётган ислоҳотларнинг мазмун-моҳиятини билмасанг, нима қиласан сиёсат хақида ашула айтиб? Шеър деб бўлмайди ёзган шеърини. Адабиётнинг остонасига энди кириб келган одам ҳам бунақа шеър ёзмайди!” деган эди ўшанда «Ўзбекконцерт» бирлашмасида махсус мажлис ўтказган Ўзбекистон президенти девони вакили Минҳожиддин Мирзо.

Қўшиқ мухлислари Жаҳонгир Позилжонов куйлаган «Селфи» қўшиғи сатрлари савияси ҳам шундан ортиқ эмаслигини айтишмоқда.

«Немислар «Менинг фюрерим!» ёки руслар «Доҳий Сталин!» дея куйлашганида, миллионлар қонини тўккан шахсга сиғинишган. Позилжонов қўшиғида бор-йўғи курсига сиғинаяпти. Ўзбекистондаги президент курсиси ҳам мустабидлар ўтирадиган шундай фетишга айланган», дея фикрлайди фейсбук юзери Музаффар Қосимов.

Бугун «Менинг президентим» дея куйлаётган «Божалар» гуруҳи солисти Позилжонов президент Каримов ўлгани ҳақидаги хабар тарқалган 29 август куни «Додамиз ўлмаган!» дея селфи тарқатган эди.

Рассом Туз


Eltuz.com
Тағин ўқинг
28 июн 2023
Тошкентлик аёл Дилрабо Шерова акушер-гинеколог Диля Сатаевани 26 ҳафталик эгизак фарзандлари ўлимига сабаб бўлган эҳтиётсизликда айблади.     25 ...
22 декабр 2016
Расман тасдиқланмаган маълумотга кўра, 2005 йилда Андижон қирғинини уюштирган Зокир Алматов президент маслаҳатчиси сифатида ишга қайтарилган. Баъзи манбадарда 67-ёшли ...
22 декабр 2017
22 декабрь куни президент Мирзиёев Ўзбекистон Олий Мажлисида қилган бир неча соатлик жонли мурожаатида молия ходимларини «каламушлар» деб атади. ...
25 январ 2016
Қамоқхона бошлиғи ўринбосари порахўр бўлиб чиқди “Ҳуқуқ” газетасининг ёзишича, Навоий вилоятидаги жазони ижро этиш муассасаси бошлиғининг умумий масалалар бўйича ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...