Асосий мавзулар
10 апрел 2019

10 апрель – Абдулла Қодирий туғилган кун

Замонавий ўзбек романчилиги ва сатира жанри асосчиси Абдулла Қодирий (Жулқунбой) 1894 йил 10 апрелда Тошкентда туғилди.

«Ҳар ҳолда бемавридроқ бўлса керак, камбағал, боғбонлик билан кун кечиргучи бир оилада … туғилғонман», дея ёзади Қодирий ўз таржимаи ҳолида.

Дастлабки таълимни мусулмон мактабида олган. 1908 йили рус-тузем мактабида, 1916 йили Абулқосим мадрасасида, 1925 йили Москва Олий адабиёт курсида ўқиган.

1923 йили «Муштум» сатирик журнали асосчиларидан бири ва таҳрир ҳайъати аъзоси бўлган. Адибнинг илк асарлари 1914 йилдан бошлаб ёзган «Тўй», «Аҳволимиз», «Миллатимга», «Фикр айлагил» каби шеърлари, «Бахтсиз куёв» драмаси, «Жувонбоз», «Улоқда» ҳикояларидир.

Шунингдек, у сатира йўналишидаги «Калвак Махсум хотиралари», «Тошпўлат тажанг нима дейдир?» каби туркум ҳикоялар муаллифи бўлган.

«Ўткан кунлар», «Меҳробдан чаён» каби машҳур асарлари билан эса Абдулла Қодирий ўзбек романчилигига асос солган.

Абдулла Қодирий, шунингдек, «Амир Умархоннинг канизи», «Намоз ўғри», «Даҳшат» каби романлар яратиш орзусида бўлгани ҳам маълум. Аммо Сталин қатағони унинг бу орзулари ушалишига имкон бермади. Абдулла Қодирий 1937 йилнинг 31 декабрида қамоққа олинди.

Набижон Боқийнинг тарихий ҳужжатларга асосланган “Қатлнома” асарида келтирилишича, Қодирийнинг қамалишига ёзувчи Ғафур Ғулом берган чақув асос бўлган.

Жумладан, Ғафур Ғулом ўз чақувида буларни айтган: “А.Қодирий чинакам аксилинқилобчи, миллатчи. У доим аксилинқилобий, миллатчилик ишлари билан машғул бўларди. Масалан, ўзининг «Калвак махзум», «Ўткан кунлар», «Меҳробдан чаён», «Обид кетмон» сингари асарларида аксилинқилобий, миллатчилик ғояларини тараннум этади, ҳозирги замон ўзбек халқига туҳмат қилади, ўрисларнинг устидан кулади. Шунингдек, жамоа хўжалиги қурилишига қарши чиқади, айни чоқда яккахўжалик турмушини улуғлайди”.

Айни чақувга асосан, Абдулла Қодирий рус ва совет сиёсатига қарши аксилинқилобий ташкилот аъзоси сифатида айбланган

«Менга қўйилган айбларни бошдан оёқ рад этаман. Ҳақиқат йўлида ҳеч қандай жазодан, қийноқдан қўрқмайман. Агар отмоқчи бўлсалар, кўкрагимни кериб тураман…», дея билдиради у большевикларнинг судидаги нутқида.

Абдулла Қодирий 1938 йил 4 октябрда НКВДнинг Тошкентдаги махсус полигонида отилди ва ўша ердаги хандақларнинг бирида махфий дафн этилди.

Eltuz.com

Тағин ўқинг
21 декабр 2017
18 декабрь куни Open Source Investigations (OSI) гуруҳи Ўзбекистон МХХ раиси Рустам Иноятов оиласига тегишли кўчмас мулкларга оид мақолани ...
21 август 2017
1961 йил Бухорода туғилган. Тошкент Давлат Университетининг журналистика факультетини битирган. 1995 йил февралда Ўзбекистондан чиқиб кетгач, аввал Би Би ...
15 ноябр 2018
Ўзбекистонда баъзан “ютуб”, баъзан “фейсбук” каналлари узилишидан шикоятлар ортмоқда. 15 ноябрь куни “Элтуз” нашри Downdetector сайти орқали “ютуб” каналидаги ...
17 апрел 2019
1970 йилнинг бошида “Битлз”ни тарк этганидан сўнг Пол Маккартни (McCartney) ўзининг илк яккахон альбомини чиқарди. Бу вақтга келиб “Битлз” ...
Блоглар
26 июн 2019
Ниҳоят 23 июнь куни Истанбул шаҳри ҳокимлиги учун қайта сайлов бўлиб ўтди. Истанбул шаҳри ҳокимлиги ...
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...