Асосий мавзулар
25 апрел 2023

Сурхондарёда самосуд қилинган аёл видеоси тарқалгани ортидан жиноят иши қўзғатилди

Элтуз каналига етиб келган видеода икки нафар ҳижобли қиз 1 миллион сӯм қарзи бӯлган бошқа бир қизнинг устидаги кийимини йиртиб ташлашгани. Сӯнгра унинг қоши ва қошини  устара билан қиртишлашгани акс этган. 

Сурхондарё вилоят ИИБ бир гуруҳ аёллар қарзини бермагани учун аёлни дўппослаб, қош ва сочларини кесиб, кийимларини йиртиб ташлашгани айтилаётган ҳолат юзасидан суриштирув ишлари олиб борган ва чора кўрган.

Маълум бўлишича, холат 2022 йилнинг ноябр ойи охирларида, Денов тумани «Боғишамол» маҳалласи ҳудудида содир бўлган. 

Сариосиё туманида яшовчи 1991 йилда туғилган Д.С. Денов туманида яшовчилар 2003 йилда туғилган Р.Г. ва Х.Н. исмли аёллар ўрталарида аввалдан мавжуд бўлган низолари юзасидан, ўзаро жанжаллашиб, Д.С.ни маҳалла ҳудудида уриб тан жароҳати етказган.

Вилоят прокуратураси ҳолат юзасидан 23 апрел куни жиноят иши қўзғатилганини маълум қилди.

Тўпланган ҳужжатларга кўра, Денов туманида яшовчи аёл Г.Р. ўзига илгаридан таниш бўлган, шу туманда яшовчи Н.Х. исмли аёл ва З.Ю. исмли эркак бир гуруҳга бирлашиб, ўзига илгаридан таниш бўлган аёл С.Д.ни З.Ю. бошқарувидаги Nexia да Денов тумани «Боғишамол» МФЙ ҳудудига олиб келиб, гўёки 1 миллион сўм қарзи борлигини важ қилиб, С.Д.ни уриб-дўппослаган.

Бундан ташқари, ўзлари билан олиб келган қайчи билан сочларини кесиб, устара билан қошларини қириб, эгнида бўлган кийимларини ечиб яланғочлаб, ўзларининг бу ҳаракатларини видеотасвирга олиб, ижтимоий тармоқларга тарқатиб юборган.

«Мазкур ҳолат юзасидан 23 апрел куни Денов тумани ИИБ ҳузуридаги Тергов бўлими томонидан Г.Р. ва Н.Х.га нисбатан Жиноят кодексининг 277-моддаси (безорилик) 2-қисми «б,в,г» бандлари билан жиноят иши қўзғатилиб, процессуал тартибда ушланган.

Ҳозирда жиноят иши бўйича дастлабки тергов ҳаракатлари олиб борилмоқда. Тергов ҳаракатлари туман прокуратураси томонидан назоратга олинган», дейилади хабарда.

@eltuz

Тағин ўқинг
7 ноябр 2016
Айрим сиёсий партияларнинг нашрлари сиёсий ҳушёрликнинг ёрқин намунасини намоён этди. «Адолат» партиясининг шу номдаги газетаси (4.11) илк саҳифасини сайловчиларни ...
27 май 2020
«2016 йил 24 декабрь. Кундузги соат 12:00 да штабдан чопар келди ва зудлик билан штабга етиб боришимни айтди. Штабгача ...
13 феврал 2017
Ўтган жума расман сўроққа тутиш учун Силвири қамоғига юборилган Ўзбекистон ватандоши Абдуқодир Машариповнинг Reina тунги клубига ҳужум олдидан камера ...
17 сентябр 2023
Салом қадрли мухлислар. Элтуз порталига келган сўнгги бешта мактубни ўқиймиз. Улар Ўзбекистоннинг Тошкент, Андижон, Фарғона ва Хоразм  вилоятларидан келган. ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...