Кундалик
20 феврал 2016

Арамаиснинг хотинини махалладан бадарға қилишмоқчи

Куни кеча 7 йиллик қамоқ жазосига хукм қилинган жиззахлик фермер Арамаис Авакяннинг турмуш ўртоғи Ширин Турсиновани яшаб турган махалласидан кўчиришмоқчи.

Бу хабарни Eltuz.comга етказган «Дилором» махалласи яшовчиларидан бирининг айтишича, йиғилишда Пахтакор тумани хокимлиги қошидаги «Махалла» жамғармаси раиси Карим Тотлибоев қатнашган. Арамаис Авакяннинг ўз жиноятига лойиқ жазо олгани хақида гапирган жамғарма раиси «Ватанга ва президентга хиёнат қилган бундай жиноятчининг оиласини хам махалладан кўчириш кераклигини» мухокамага қўйган.

Йиғилишда қатнашган «Дилором» махалласида яшовчи манбаага кўра, Карим Тотлибоев, Ширин Турсинованинг жиноятларини бирма бир санаб ўтган.

«Карим Тотлибоев, Ширин Ватанимиз ютуқларини камситиш мақсадида хурматли хокимимиз Ғофур Қаршибоевга тухмат қилди, хорижий журналистлар орқали иғво тарқатди, бундай одам махаллада қолиши керак эмас, деган гапни қилди. Йиғилганлар индамай ўтиришди. Хокимни тарафдорлари бир иккитаси бу гапларни маъқуллаб турди» деди махалладаги манбаа Eltuz.com билан сухбатда.

Сталин давридаги қатағонларни эслатувчи бу йиғилишда Ширин Турсинованинг ўзи қатнашмаган. У Ховос шахридаги қамоқхонага турмуш ўртоғи билан учрашувга кетган эди. Ширин йиғилиш хақида, Жиззах шаҳрига қайтиб келгачгина хабар топган ва ўша захоти туман хокимлигига қараб йўл олган.

«Жиззахга етиб келмасдан туриб, бўлиб ўтган йиғилиш хақида хабар топдим, ва икки боламни олиб Пахтакор туман хокимлигига келдим. Ўша мени махалладан кўчиришни истаган Карим билан юзма юз кўришмоқчиман. Хоким Ғофур Қаршибоев билан хам учрашаман. Қайси қонунга асосан мени кўчиришмоқчи, шуни ўзларидан сўрайман. Йиғилиш баённомасини ҳам оламан улардан. Мен хокимга тухмат қилмаганман! Ҳоким ва эрим ўртасида хўжалик бўйича конфликт бўлган ва уни хозиргина Арамаисни ўзи хам бизга айтди. Бу ерда тухмат йўқ» деди Ширин Турсинова Eltuz.comга.

Элтуз воқеалар ривожини кузатиб боради.

Улуғбек Ашур,
Eltuz.com

Тағин ўқинг
1 июл 2020
Power Briefs туркумининг Ўзбекистондаги пахта секторини хусусийлаштириш жараёнида асосий роль ажратилган кластерлар тизимига оид навбатдаги нашри тайёрланди.  Буюк Британиядаги Ольстер университетининг ...
11 май 2020
Сардоба тўғони ўпирилиши оқибатида сув босган уй томидаги сигир видеоси ижтимоий тармоқда кенг тарқалди. Сув босқини оқибатида 1 май ...
14 феврал 2017
14 феврал севишганлар куни Андижонлик Абдусалом Каримов Прагада юрак шаклидаги сомсалар ишлаб чиқаришни йўлга қўйди. Шу пайтгача, Прагада юрак ...
23 март 2017
Президентнинг топшириғига лаббай деб жавоб бераётган партиялар депутатлари шу кунларда туманма-туман чопиб юрибди. Бу партияларнинг нашрлари ҳам мазкур сафарлар ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...