Asosiy mavzular
9 oktyabr 2016

Urlaeva bilan Eshonqulova tag‘in ushlandi

9 oktyabr kuni Toshkent vaqti bilan soat 12.20 da Buxoro viloyatining Olot tumanida Yelena Urlaeva va Maloxat Eshonqulovalar ushlangan va Maloxat Eshonqulovaning eltuz.com muxbiriga bildirishicha ularni yarim tunga qadar TIIV bo‘limida olib o‘tirishgan.

«Bizni tungi 23.00 ga qadar olib o‘tirishdi va keyin O‘zlari keltirib Buxoro chegarasidan chiqarib, Navoiy GAI postidan kuzatuvchi hamrohligida tungi soat 1 larda mashinaga o‘tkazib yuborishdi», deya bildirdi bugun ertalab eltuz.com muxbiriga Maloxat Eshonqulova.

Eslatib o‘tamiz, yaqindan buyon «Qo‘rqmaslar» guruhini tamsil qiluvchi o‘zbek faollari Maloxat Eshonqulova va Yelena Urlaevalar ularni Buxoro viloyatining Olot tumaniga olib ketishgani haqida xabar berishga ulgurishgan edi.

Kun davomida Eltuz.com muxbirining ular bilan aloqa o‘rnatishga urishi samarasiz bo‘ldi.

So‘nggi bor aloqa o‘rnatishga uringan huquq himoyachisi Umida Niyozovaning bildirishicha, Yelenaning telefonini kimdir o‘chirmoqchi bo‘lgan, biroq u aksincha qo‘shilganicha qolgan va Umida Niyozova Huquq himoyachisi va militsiya o‘rtasidagi qisqa dialogni eshitishga muvaffaq bo‘lgan.

U Yelena Urlaevaning yana uzoq vaqt kutib o‘tiramizmi, degan so‘roviga militsiya xodimining «Boshliq kelsa o‘zi hal qiladi. Menga kutish buyurilgan» degan javobini eshitgan.

Terim mavsumida faollarning ushlanishi tendentsiyaga aylangan

rasm337
Militsiyaning o‘zbek faollariga qarshi sharmandali harakatlari rassom Tuz karikaturasiga mavzu bo‘lgan edi.

So‘nggi marta Yelena Urlaevani fotograf Temur Karpov bilan Toshkent viloyatining paxta dalasida ushlashgani haqida Eltuz.com 6 oktyabr kuni xabar bergan edi. Shu kuni ham Urlaeva va Karpov tuman militsiya bo‘limida ertalabdan kechgacha qolib ketishgan edi.

Taniqli Huquq himoyachisi Yelena Urlaeva va mustaqil jurnalist Maloxat Eshonqulovalar o‘tgan yili ham paxta terimidagi majburiy mehnat monitoringi o‘tkazishayotganida ham bir necha bor ushlanishgan.

Jumladan, xorazmlik militsionerlar Maloxat Eshonqulova va Yelena Urlaevalarni tahqirli tarzda tintuv qilishgandi.

Ularni ushlash sababi o‘quvchilar, talabalar va viloyatning turli muassasalari xodimlarini paxta terimiga majburlanayotgani haqida yiqqan axborotlari bo‘lgan edi.

Eltuz.com

Tag‘in o‘qing
3 iyun 2021
“Abdulla G‘arib prodakshn”, rassom Elsevar, rassom Tuz va “Eltuz” yangi siyosiy satirik animatsion filmlar turkumining 8-qismini taqdim etadi. Chiptasi ...
16 may 2022
Toshkentdagi gimnastikachi ayol suratiga yubka kiydirildi. Bu «ma'naviy tahrir» Toshkent shahar hokimligi «ijodi» bo‘lishi mumkinligi haqida mahalliy bloger Nikita ...
22 aprel 2020
Bugun – Xalqaro Yer kuni. Amerikalik reper va komik Lil Diki «Yer» (Earth) deb nomlangan animatsion klipida 30 dan ...
2 may 2018
O‘zbek sport sharhlovchilariga MTRK rahbariyati tomonidan 2 may kungi futbol translyatsiyasida «Liverpul» jamoasi o‘yinchisi Muhammad Saloh nomini tilga olmaslik ...
Bloglar
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...