Asosiy mavzular
3 sentyabr 2019

«Sharq taronalari» festivali arafasida daydi itlarning o‘ldirilishi jamoatchilikni shokka soldi

Samarqandda 27 avgust kuni o‘tgan “Sharq taronalari” festivali arafasida daydi itlar va mushuklarning ommaviy o‘ldirilishi jamoatchilik noroziligiga sabab bo‘ldi. 

“Kecha kechqurun mening itimni vahshiylarcha o‘ldirishdi. Ularni hayvon deb atash hayvonlar uchun haqoratli. Odammas ular”, deya yozdi feysbuk yuzeri Alika Abdullaeva.

Uning yozishicha, shaharga dabdabali bayram tusini berish uchun Samarqandni daydi itlardan tozalashga buyruq berishgan. Mahallalar bo‘ylab reyd o‘tkazishgan. Itlarni quturishga qarshi emlash bahonasida uyma-uy yurishgan.

“Kimdir rozi bo‘ldi, kimdir yo‘q. Rozi bo‘lganlar itlaridan ayrilishdi. Ular qaerda it hurgani eshitilsa, devordan zaharlangan sosiska irg‘itishdi. Shunday qilib, mening itimni va qo‘shnilarimizning itlarini o‘ldirishdi”, deya eslaydi Alika itlarga qilingan yovuzliklar haqida.

U o‘z postida, shuningdek, zaharlangan iti o‘limi dahshatini tasvirlaydi:

“Kuchugim chiyillab, aqldan ozgan alfozda chopib uyga kirdi. Keyin charx urib aylana boshladi. Men nima bo‘lganini darrov anglay olmadim. Uning butun ichki a'zolari bir lahzada to‘kilib bo‘lgan edi. U chekkan iztirobni tasvirlash qiyin. Og‘ir azob va gallyutsinatsiya. Keyin u yiqildi, talvasa boshlandi. Va ajali yetdi…”.

Bir guruh jamoatchilik faollari 31 avgust kuni siyosiy tahlilchi Alisher Ilhomov tashabbusi bilan xalq ta'limi vaziri Sherzod Shermatovga bolalarni hayvonotga mehr-shafqat ruhida tarbiyalash yuzasidan  petitsiya murojaati yo‘llashdi.

“Bu yilgi festival tarixga nafaqat ayni noinsoniy va haddan tashqari shafqatsiz aktsiya bilan kirdi. Eng muhimi, bolalar bu aktsiya guvohi bo‘lishdi”, deyiladi, jumladan, murojaatda.

Ta'lim vaziriga daydi uy hayvonlarining o‘ldirilishi bolalarga qanday ta'sir etishi, bu holatga Xalq ta'limi vazirligi javobgar ekani, shuningdek, hali ham “vaziyatni tuzatish” mumkinligi bildirildi.

Shu bilan birga, petitsiya tashabbuschilari vazirlikka maktab o‘quvchilari ishtirokida jonivorlarni asrash, ularga boshpana berish yuzasidan tadbirlar, tanlovlar o‘tkazish, bu tadbirlarga homiylar yordamini jalb etishni taklif qilishdi. 

Murojaatni emeyl va messenjer orqali jo‘natganini bildirgan Alisher Ilhomov 2 sentyabr kuni vazirning javob xatini olganini ma'lum qildi.

Ilhomov vazirlik o‘z xatida faktlarni inkor etmaganini, eng muhimi, umidlantiruvchi javob bo‘lgani, daydi uy hayvonlari uchun tirik burchaklar, boshpanalar tashkil qilishga xayrixohlik bildirilganini aytdi. 

Davlat mulozimining tezgina javobidan ruhlangan Alisher Ilhomov o‘z tarafdorlariga xalq ta'limi vaziri Shermatovga aniq takliflardan iborat ikkinchi murojaatini hozirlaganini ma'lum qildi.

Eltuz.com

Tag‘in o‘qing
19 mart 2019
Qozog‘istonni 30 yil boshqargan 79 yashar prezident Nursulton Nazarboev 19 mart kuni o‘z lavozimidan iste'foga chiqqani haqida bayonot berdi. ...
11 dekabr 2023
Buning oqibati voy bo‘ladi. O‘zbekistondagi “Foton” aktsiyadorlik jamiyati va uning rahbari Ma'rifxo‘ja Saydumarov bosqinchi Rossiya uchun «ter to‘kkani bois» ...
20 aprel 2018
O‘zbekistonda majburiy mehnatga qarshi kurash kampaniyasi boshlandi. Bu kurashni mamlakat prezidentining o‘zi boshlab berdi. Mamlakatda majburiy mehnat yillar davomida ...
3 may 2023
1997 yil 3 maydan buyon har yili matbuot erkinligiga munosib hissa qo‘shgan insonlar YuNYeSKO tarafidan mukofotlar bilan taqdirlanadi. Biroq ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...