Asosiy mavzular
21 noyabr 2016

Dastur bor, munosib mehnat yo‘q

“Xalq so‘zi” gazetasi (19.11) O‘zbekiston kasaba uyushmalari federatsiyasi tomonidan Xalqaro mehnat tashkiloti va Jahon banki ishtirokida mamlakatda Munosib mehnat dasturining amalga oshirilishi holati va istiqbollariga bag‘ishlangan davra suhbati o‘tkazilganini xabar qildi.

Maqolada O‘zbekistondagi Munosib mehnat dasturi 2014-2016 yillarga mo‘ljallangani ma'lum qilinadi.

Maqola aholiga munosib mehnat shart-sharoitlarini yaratish bo‘yicha qonunchilik asoslari mustahkamlanayotgani, ishchi-xizmatchilarning kasaba uyushmalariga birlashish huquqlarini ta'minlashda qator natijalarga erishilayotgani kabi umumiy gaplardan iborat.

Agar adashmasak, mazkur dasturda qishloq xo‘jaligi, xususan, paxta xomashyosi yetishtirish sohasiga oid masalalar ham kiritilgan. Masalan, Xalqaro mehnat tashkiloti bu sohadagi majburiy mehnatni bartaraf etish masalasini ko‘ndalang qo‘yayotgani, Jahon banki esa har bir viloyatdan bittadan tumanda o‘z monitoringini tashkil etgani haqida ma'lumotlar bor.

Tabiiyki, maqolada bu masala yuzasidan birorta arzirli gap yo‘q. Faqat undan “hukumatimiz tomonidan 2016-2018 yillarda qishloq xo‘jaligidagi xodimlar mehnat sharoitlari, bandligi va ijtimoiy himoyasini takomillashtirish masalalari bo‘yicha tadbirlar rejasi tasdiqlanib, amaliyotga tatbiq etilayotgani”ni bilib olishimiz mumkin, xolos.

Eng e'tiborlisi, maqolada “xalqaro tashkilotlar vakillari mamlakatimizda XMT konventsiyalari ijrosi doirasidagi ishlar va O‘zbekistonning nufuzli xalqaro tashkilotlar bilan olib borayotgan konstruktiv aloqalarini ijobiy baholagani” ta'kidlanadi.

O‘zbekiston XMTning majburiy mehnat va bolalar mehnatiga oid konventsiyalari talablarini muntazam buzib kelayotgan, xususan, joriy yilda ham paxta yetishtirish tarmog‘ida majburiy mehnat va bolalar mehnatidan keng foydalangan bir paytda ijobiy baholash to‘g‘risida qanday gap bo‘lishi mumkin?

Balki “Xalq so‘zi” yana o‘z mushtariylarini aldadimikin?!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
6 fevral 2019
Qozog‘iston Favqulodda vaziyatlar qo‘mitasi 4 fevral kuni o‘zbekistonlik 40 nafar yo‘lovchi mingan, ikki nafar qozoq haydovchisi boshqaruvida bo‘lgan avtobus ...
4 fevral 2016
“O‘zbek turmasi sirlari” deb atalgan videosuhbatning ikkinchi qismida jurnalist Maloxat Eshonqulova savollariga javob berarkan, yaqinda turmadan qaytgan huquq himoyachisi ...
17 may 2016
“O‘zbekiston ovozi” gazetasi O‘zbekiston kasaba uyushmalari federatsiyasi kengashida Xalqaro mehnat tashkiloti (XMT) bilan hamkorlikda seminar tashkil etilgani haqida xabar ...
3 fevral 2016
Mustaqil jurnalist Maloxat Eshonqulova navbatdagi videolavhasida yaqinda o‘zbek turmasidan ozod etilgan mahkum huquq himoyachisi O‘ktam Pardaevga mikrofon tutadi. “O‘zbek ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...