• Foto: Eltuz.com
Asosiy mavzular
3 iyun 2019

Andijonda elektr idorasi ishchilari uy buzishga jalb qilindi

Andijonda 25 may kuni e'lon qilingan shanbalik 29 may kuni ham davom etdi. Marhamat tumani elektr tarmoqlari korxonasi ishchisining “Eltuz”ga ma'lum qilishicha, ularga shanbalikda 100 foiz ishtirok etishlari majburligi aytilgan.

Foto: eltuz.com
Marhamat tumanida buzilayotgan uylar

Lekin 31 may kuni matbuot anjumani o‘tkazgan Andijon viloyati hokimi Sh.Abdurahmonov Marhamat tumani markazini “Obod tuman markazi”ga aylantirish ishlariga byudjet tashkilotlari xodimlari jalb etilmaganligini ta'kidlagan.

“Viloyat xokimi yo yolg‘on gapirdi, yo buzish ishlariga byudjet tashkilotlari ishchilari jalb etilanligidan xabari yo‘q”, deydi “Eltuz” suhbatdoshi.

Uning qo‘shimcha qilishicha, elektr idorasi ishchi-xodimlari 2 kun davomida Marhamat-Asaka yo‘lidagi uylarni buzish ishlari bilan mashg‘ul bo‘lishgan va bu topshiriq ularga Marhamat tumani hokimligi tomonidan buyurilgan.

“Har bir tashkilot shanba va yakshanba kunlari o‘ziga biriktirilgan 2 tadan uyni buzib bo‘lishlari shart ekan. Bizga agar buzish ishlarida ishtirok etishni istamasang, marhamat, mardikor yolla, lekin pulini cho‘ntagingdan to‘laysan, deb aytishdi. Ammo shu kunlarda mardikorlarning kunlik bahosi 50 ming so‘mga chiqib ketgan”, dedi “Eltuz”ga ism-sharifi sir qolishini so‘ragan manba.

Keyingi paytlarda fuqarolar uylarining buzilishi masalasi dolzarb mavzuga aylangan. Nafaqat poytaxt, viloyat markazlari, balki tumanlarda ham uylarning buzilishi avjiga chiqqan. Yo‘lni kengaytirish, eski, ko‘rimsiz uylar o‘rnida zamonaviy bino va inshootlar barpo etish maqsadida Asaka, Marhamat tumanlarida ham aholining uylari buzilmoqda. Marhamatlik fuqaro S.R. ning so‘zlariga qaraganda, o‘tgan yili tuman hokimi Shuhrat Qamchiev uyi buzilishga tushgan fuqarolarga uylarini buzib ko‘chirib olib ketishlari va joyni bo‘shatishlari uchun bir yil muhlat bergan. Aholining noroziligi va viloyat hokimiga qilgan murojaatidan g‘azablangan tuman rahbari keyinroq bu muhlatni 6 oyga qisqartirdi.

Ayni kunlarda hokim tayinlagan 6 oy muddat ham o‘tib bo‘lgan. Uylari buzilishidan norozi bo‘lgan odamlarning hech biri bu vaqt orasida uylarini buzmadi. Ularning har birida “balki buzilmas”, degan mitti umid bor edi. Mana endi bu vazifa davlat tashkilotlari zimmasiga yuklatildi. Manbaning aytishicha, tuman hokimi “bironta xodim buzish ishlariga chiqmasa, u ishlaydigan tashkilotga chora ko‘raman”, deb po‘pisa qilgan.

Foto: eltuz.com
Marhamat tumanida buzilayotgan uylar

“Uy buzish, qurish, obodonchilik ishlari bizga begona emas. Hatto tumanimizda qurilgan 2 sotixli uylar qurilishida ham ishtirok etganmiz. Kecha bizni ogohlantirishgan: “Erta va indin ish kiyimlaringizni olib kelinglar”, deyishgan. Mana, ishxonadagi barcha erkagu ayollar shu yerdamiz. Erkaklar uy buzishyapti, bizlar esa buzilgan uyning yog‘ochini yog‘ochga, g‘ishtini g‘ishtga ajratyapmiz. Uy egalari hovlida, ko‘chalarda yig‘i-sig‘i qilish bilan ovora. Hech kim bizga hatto bir piyola choy tutmaydi. Yaxshiki, ko‘pchilik ro‘zador. Baxtimizga havo ham salqin bo‘lib turibdi. Ish ko‘p, 2 kun ichida bu ishlarni tugatishimiz kerak”, deydi yana bir davlat tashkiloti ishchisi.

Uy buzilishi ishlarini tuman IIB xodimlari nazorat ostiga olishgan. Uy egalari va uy buzuvchilar orasida kutilmagan voqea sodir bo‘lmasligi uchun bosh-qosh bo‘lib turishibdi. Shanbalikka chiqqan “tekin mardikorlar” bilan esa hech kimning ishi yo‘q.

29 mayga kelib, uylarning buzilishiga askarlar ham jalb etildi. “Eltuz”ga ma'lum bo‘lishicha, shu kuni uylarni buzishga 1,5 mingtacha atrofida askar olib kelingan.

Eltuz.com

Tag‘in o‘qing
2 iyun 2017
Qoidalar Rossiya prezidentining “2017-yilgi FIFA Konfederatsiyalar kubogi o‘tkazish davrida kuchaytirilgan xavfsizlik choralari» haqidagi 202-son farmoni bilan bog‘liq. Havfsizlik choralariga ...
10 mart 2016
Manzura Instagramdagi shaxsiy sahifasida O‘zbekiston Respublikasi Madaniyat va sport ishlari vazirligi tomonidan maktab, akademik litsey va kasb-hunar kollejlarida o‘tkazilayotgan ...
20 yanvar 2017
Farg‘ona viloyatida xalq ta'limi va boshqa byudjet tashkilotlari xizmatchilari bug‘doy ekilgan dalalarga mahalliy o‘g‘it – go‘ng sochishga chiqarildi. “Tuman ...
18 dekabr 2019
Bundan roppa rosa 33 yil oldin, 1986 yilning 17-18 dekabr kuni Sovet Ittifoqi rahbariyati Olmaota yoshlarining isyonini shafqatsizlarcha bostirgan ...
Bloglar
12 avgust 2020
Bishkekda hibsga olingan o‘zbek jurnalisti Bobomurod Abdullaevning onasi Gavhar Madaminova 12 avgust kuni O‘zbekiston prezidenti ...
10 avgust 2020
Koronavirus kundaligi Qizimning qo‘g‘irchog‘i bilan uyda yolg‘izmiz. Ikkimiz ham bir odamchani sog‘inayapmiz. Faqat qo‘g‘irchoq yig‘lay ...
7 avgust 2020
Qishga tayyorgarlik. Pomidor va qalampirni o‘zim yetishtirib, quritib, ipga o‘tkazib devorga ildim. Ko‘o‘p bonkayam berkitganmiz. ...