Bojxonachining bolasi o‘qishga tanlovsiz qabul qilinadi

O‘zbekistonda 2021 yildan bojxona xodimlarining farzandlari tavsiyanoma bilan oliy o‘quv yurtlarida grant asosida o‘qishga tanlovsiz qabul qilinishi mumkin.

Vazirlar Mahkamasining «O‘zbekiston Respublikasi bojxona organlari xodimlari va ularning oila a'zolarini ijtimoiy himoya qilishni yanada kuchaytirish chora-tadbirlari to‘g‘risida»gi qarori loyihasi e'lon qilingani haqida 17 sentyabr kuni O‘zA xabar berdi.

Qaror loyihasida bildirilishicha, “2021/2022 o‘quv yilidan boshlab xizmat majburiyatini bajarish chog‘ida halok bo‘lgan, shuningdek, xizmat majburiyatini bajarishda olgan jarohati tufayli nogiron bo‘lib qolgan, kontuziya, shikast olgan yoki kasalliklarga duchor bo‘lgan bojxona organlari xodimlarining farzandlari O‘zbekiston Respublikasi Davlat bojxona qo‘mitasi raisining tavsiyanomasi asosida belgilangan qabul ko‘rsatkichlaridan tashqari davlat granti asosida O‘zbekiston Respublikasi davlat oliy ta'lim muassasalarining bakalavriatiga (ikkinchi ta'limdan tashqari) tanlovsiz qabul qilinadilar”.

Eltuz.com