• Ulug‘bek Mirzamuhamedov qimmatbaho mashinalar kollektsiyasiga ega edi - eltuz.com
Asosiy mavzular
28 dekabr 2020

Karimovning qudratli yordamchisi ozodlikka chiqarildi

O‘zbekiston huquq-tartibot idoralariga yaqin manbalarning “Eltuz”ga xabar berishicha, 2016 yil avgust oyi oxirigacha prezident Islom Karimovning referent-yordamchisi bo‘lib ishlagan va 2020 yil noyabr oyi oxirlarida DXX tomonidan qamoqqa olingan Ulug‘bek Mirzamuhammedov o‘tgan seshanba, 22 dekabr kuni ozodlikka chiqarilgan.

Manbalar 52 yoshli Mirzamuhammedovning nima sababdan ozodlikka chiqarilgani ularga noma'lum ekanini aytishdi.

“Balki DXX katta miqdordagi rasmiy garov evaziga unga belgilangan hibs chorasini ozodlikda yurib tergovga qatnash shartiga o‘zgartirgandir.

Bundan tashqari, DXXning ochofat rahbariyati Mirzamuhammedovning pullari va yuritib turgan bizneslarini tortib olib, umuman jinoyat ishini yopgan bo‘lishi ham mumkin. Uning ozod qilinishini prezident Mirziyoev talab qilgan bo‘lishi ham mumkin”, deya taxmin qildi manbalardan biri.

Mirzamuhammedovning bir oyga yetmasdan “Gvardeyskiy” qamoqxonasidan chiqarib yuborilishi kutilmagan hol bo‘ldi.

O‘tgan haftada “Eltuz” Ulug‘bek Mirzamuhammedovning qamoqqa olingani haqida “Karimovning qudratli yordamchisini aslida kim “buyurtma” qildi?” sarlavhali maqola e'lon qilgan edi.

Unda “Eltuz” o‘z manbalariga tayangan holda Ulug‘bek Mirzamuhammedov aslida Toshkentdagi doiralarda “Sadaf”, “Tishdo‘xtir”, “Stomatolog” laqablari bilan tanilgan Farrux Mirzaevning buyurtmasiga ko‘ra “ichkari”ga olingani haqida yozgan edi.

Maqolada bu buyurtmaga Farrux Mirzaevning Ulug‘bek Mirzamuhammedov oldidagi yirik (bir necha million AQSh dollari) miqdordagi hamda hanuz to‘lanmagan qarzi sabab ekani iddao qilingan edi.

“Eltuz”ga yaqin manbalarning aytishicha, Karimov iqtidorining so‘nggi yillarida yordamchi-referent Georgiy Kraynovning o‘rniga tayinlangan Ulug‘bek Mirzamuhammedov tezda o‘z lavozimini suiiste'mol qilishga tushgan.

Jumladan, Ulug‘bek Mirzamuhammedov O‘zbekistonning elchixona va konsulliklariga rahbar tayinlash ishlariga muttasil ravishda aralashib kelgan.

“Eltuz”ning Toshkentdagi manbasining ta'kidlashicha, prezident Shavkat Mirziyoev 2016 yil sentyabr oyida iqtidorga kelishi bilanoq Ulug‘bek Mirzamuhammedovni ishdan olib tashlagan.

“Ulug‘bekka suyanib yurganlardan birgina “Murod bilding” qoldi”, deydi “Eltuz” manbasi.

Uning qo‘shimcha qilishicha, Ulug‘bek Mirzamuhammedov hibsga olingunga qadar Toshkentdagi tarixiy obidalarni buzib, o‘rniga ko‘p qavatli uylar qurishga odatlangan “Murod Building” shirkati rahbari Murod Nazarovga “qalqon”lik qilib kelgan.

Eltuz.com

Tag‘in o‘qing
3 sentyabr 2016
O‘zbekiston prezidenti Islom Karimovning janozaci uning mulozimlari va mehmonlari ishtirokida Camarqandning Registon maydonida o‘qildi. Janozadan so‘ng uning jasadi so‘nggi ...
3 avgust 2018
Tushlikdan so‘ng Boqijon mening shkonkamga kelib yonimga o‘tiradi va «sayr» paytida uzilgan suhbatini davom ettiradi… Farg‘onalik 38 yashar bu ...
14 fevral 2017
Taqiq va cheklovlarga qaramasdan o‘zbek yoshlari nishonlaydigan «Sevishganlar kuni» haqida maqola yozgan o‘zbek jurnalisti Darmon Ibragimov bu kunga “bayram ...
29 yanvar 2022
Onasi hayvonot bog‘idagi ayiq oldiga uloqtirgan uch yashar qizaloq Toshkentdagi kasalxonada qolmoqda. Qizning ahvoli «qoniqarli» 5 metr balandlikdan tushgan ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...