• FOTO: RU.WIKIPEDIA.ORG
Asosiy mavzular
6 iyul 2022

Internetsiz qolayotgan Qoraqalpog‘iston, urush palatkalarini eslatuvchi Nukus shifoxonasi…

Konstitutsiyaga o‘zgartish oldidan to‘polon ko‘tarilgan Qoraqalpog‘istonda hamon internet ishlamay turibdi, mahalliy aholi ayrim hududlarda elektr toki yo‘qligini aytmoqda. «Eltuz» muxbiri telefon orqali mahalliy aholi bilan bog‘landi.

«23 yoshli o‘g‘lim halok bo‘ldi, 30 yoshli o‘g‘limni ushlab olib ketishgan. Namoyishda ishtirok etganman, deb tan olsa uyiga qo‘yib yuboryapti ekan. O‘g‘lim namoyishda ishtirok etish uchun ko‘chaga chiqmagan edi. Ukasini ko‘chadan olib kelish uchun chiqqan edi. Huvullab qolgan Nukus ko‘chalarida yaqin o‘ttiz yilda bunaqangi ko‘p odam yig‘ilmagan edi. chunki Ko‘p qavatli uylarning yarmi bo‘sh. Uy egalari bo‘lsa ham bu yerda yashashmaydi. Ko‘pi Toshkentga, Qozog‘istonga va Rossiyaga ketishgan. O‘zimizning qo‘shnilar ham anchaginasi Qozog‘iston fuqaroligini olgan. Imkon bo‘ldi, deguncha yurtni tashlab ketishni rejalashtirgan. Biz yurtni tashlab hech qaerga ketmaymiz. O‘g‘limni uyga qaytishini kutyapmiz. Bir o‘g‘limdan ayrildim, yana bunisidan ayrilib qolishdan qo‘rqayapman ” deydi Nukus turg‘uni.

O‘zbekiston Bosh prokuraturasi bergan dastlabki ma'lumotlarga ko‘ra, 18 nafar kishi vafot etgan, 243 kishi, jumladan 38 nafar huquqni muhofaza qilish organlari xodimlari jarohatlangan. 4 iyul ertalabiga 100 ga yaqin kishi shifoxonada bo‘lgan.

Nukus markaziy shifoxona hamshirasi holat bo‘yicha «Eltuz»ga ma'lumot berdi.

«Nukus markaziy shifoxonasi yaradorlar bilan to‘lgan. Huddi, urush davrlarini eslatadi. Qo‘li yo‘q, oyog‘i yo‘q ammo yashashga umidi bor odamlarni davolayapmiz. Ikki kun «smena» almashmasdan ishladik. Uchinchi kun uyga javob berishdi. Kelgan bemorlarni shaxsi noma'lum. Marhumlarni yaqinlari ham taniy olmayapti.

Shifoxonaning o‘zida o‘nlab marhumlar bor edi. yana o‘ndan oshig‘i bu yerga kelguniga qadar jon bergan. Bu kunlar boshqa qaytarilmasin. Katta shifoxona bo‘sa ham joy yetmadi. Vrachlar ulgurishmadi. Shundog‘am ahvoli og‘ir bo‘lib turgan bemorlar birin-ketin ko‘z oldimizda jon berdi» deydi hamshira.

«Eltuz»ga murojaat qilan nukuslik bir guruh mahalliy aholi vakillariga ko‘ra murojaatchilar yaqinlari 1 iyul sanasida qo‘lga olib ketilgan va hozirga qadar qaerda ekanligi noma'lum qolmoqda. Shuningdek arzgo‘ylar 6 iyul sanasida hm internet Qoraqalpog‘iston bo‘ylab uzib qo‘yilgani va ayrim hududlarda elektr toki ham yo‘qligini aytishdi. Nukus shahri 1-2 iyul kunlari ommaviy tartibsizliklarga sahna bo‘lgan edi.
O‘zbekiston Ichki ishlar vazirligi rasmiy bayonotiga ko‘ra jamoat tartibi buzilishining oldini olish va fuqarolar tomonidan turli tartibbuzarliklarning sodir etilishiga yo‘l qo‘ymaslik maqsadida Dehqon bozori hududiga huquqni muhofaza qilish organlarining kuch va vositalari jalb etilgan.

Eltuz.com

Tag‘in o‘qing
16 iyun 2020
1947 yilda chop etilgan ilk “O‘zbekiston xalqlari tarixi” II jildining mundarijasidan bir parcha. Bundan nima xulosa qilishimiz mumkin? – ...
15 mart 2016
“Huquq olamida” gazetasining yozishicha, Namangan viloyatilik bir necha yigit Norin daryosidan rezina qayiq yordamida Qirg‘izistonga rangli metall – latun ...
30 iyun 2017
Mirziyoev artistlar bilan uchrashuvida «xalq uchun ishlayotgan» akterlarga teatr yonidan ko‘p qavatli uy qurib berishni va'da qildi. Prezidentning fikricha, ...
17 mart 2021
Andijon davlat universitetining olti xodimida koronavirus aniqlangani haqida xabarlartarqaldi. ADUdagi manbaning “Eltuz”ga aytishicha, aslida kasallik yuqtirgan talaba va xodimlar soni bundan ham ko‘p bo‘lishi ...
Bloglar
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...