Video
27 aprel 2017

Faollar Karimovga haykal qo‘yilishini qoraladi

Karimov nomini abadiylashtirish qarori bo‘yicha tanlov yakuniga ko‘ra, haykaltarosh Ilhom Jaborov uning haykalini barpo qiladigan bo‘ldi.

U ilgari Amir Temur haykalini yasaganidan keyin u Karimov bilan haykaltaroshlik borasida bahsga kirishganiden keyin diktator g‘azabiga duchor bo‘lgandi.

Ustidan jinoiy ish ochilib, mol mulki musodara qilingan.

Haykaltarosh keyingi 5 yil mobaynida tog‘larga chiqib ketib, bol yetishtirish bilan kun ko‘rib yurgan.

Karimov o‘limidan so‘ng Jabborov yana ijodga qaytdi. Taqdir taqozosi bilan Karimovning haykalini yasash tanlovi g‘olibi bo‘ldi.

Tanlovda turli mamlakatlardan jami 58 haykaltarosh 68 yodgorlik loyihasini taqdim etishgan.

Kimlar uchundir bu madaniy jarohatdir

Dmitriy Tixonov
huquq faoli

Eltuz nashri Karimov nomini abadiylashtirish g‘oyasi haqidagi faollar fikrini o‘rganishda davom etadi.

Bugun Germaniyada yashayotgan huquq faoli Dmitriy Tixonovning fikricha, «Karimovga qo‘yiladigan har bir haykal kim uchundir madaniy jarohatdir».

2015 yilning oktyabrida uning uyiga o‘t qo‘yilgan, uy jihozlari, jumladan kompyuter va orgtexnikasi yonib kul bo‘lgan edi.

Tixonovning hamkasblari bu hodisani uning inson huquqlari faoliyati bilan bog‘lashadi.

O‘zbekistonda majburiy mehnatga monitoringi bilan shug‘ullanib kelgan Tixonov keyinchalik Germaniyaga ketishga majbur bo‘lgandi.

Lenin va Stalin haykallari kabi qulatiladi

Dilobar Erkinzoda
«Qo‘rqmaymiz!» guruhi yetakchisi

Boshqa bir huquq faoli, bugun Shvetsiyada yashayotgan Dilobar Erkinzoda ham hukumatning Karimov nomini abadiylashtirish qaroriga qarshi ekanligini aytadi.

Uning akasi Iskandar Xudoyberganov uydirilgan ayblar bilan 17 yildan buyon Jasliq qamog‘ida qolmoqda.

Uning fikricha, Karimov nomini abadiylashtirish bo‘yicha olib borilayotgan ishlarning hammasi vaqtinchalikdir.

«Huddi mana shu sobiq sovet davridagi Lenin, Stalin haykallari qanday qulatilgan bo‘lsa kabi, Karimovga qo‘yilgah haykallarni ham shunday qismat kutayotganini hozirgi hukumat ham bilishi kerak», deydi u.

O‘zbekiston tarixidagi qop-qora dog‘

Abdulla Abdurazzoq
ziyoli olim

17 yildan buyon Norvegiyada yashayotgan 73 yoshli olim Abdulla Abdurazzoq ham, «abadiylashtirish jarayoni uzoqqa cho‘zilmasligini» aytadi.

U O‘zbekistonda «Erk» Demokratik partiyasiga bosimlar kuchayganidan so‘ng mamlakatni tark etgan edi.

«Islom Abdug‘anievich Karimov O‘zbekiston tarixiga qop-qora bir chirkin dog‘ bo‘lib tushgan shaxsdir», deydi Abdulla Abdurazzoq.

Hukumatning Karimov nomini abadiylashtirish qarorini, bundan ilgari shoir Jamol Kamol, bastakor Zohid Haqnazarov, filosof olim Bahodir Musaev, yozuvchi G‘afur Yo‘ldoshev, o‘zbekistonlik faol Anvar Xusainovlar ham qoralab chiqishgan edi.

Eltuz.com

Tag‘in o‘qing
13 mart 2020
Hafta aylanib, yana sizlar bilan yuzma-yuz bo‘lganimdan mamnunman, azizlar. Hafta ichida kim qadri uchun, yana kimdir qorni uchun yig‘ladi. Kimdir ...
18 fevral 2017
«Oila va jamiyat» gazetasi (15.02) bugun o‘zbek jamiyatining og‘riqli nuqtasi – ayollarning xorijga chiqib ketayotgani masalasiga bag‘ishlangan maqola chop ...
22 sentyabr 2016
Oliy Majlis amaldagi Bosh vazir Shavkat Mirziyoevni prezident vazifasini bajaruvchi etib tayinlaganidan so‘ng Qonunchilik palatasi deputati, Inson huquqlari milliy ...
6 oktyabr 2016
Ayni kunlarda 4 dekabrda bo‘lib o‘tadigan O‘zbekiston prezidenti sayloviga ishtirok etishi kutilayotgan nomzodlar uchun saylovchilar imzosini to‘plash jarayoni bormoqda. ...
Bloglar
26 avgust 2022
30 yildirki sargardonlikda, avval Norvegiyada keyin Turkiyada yashayotgan Muhammad Solih yangi kulliyoti – asarlar to‘plami ...
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...