Asosiy mavzular
27 fevral 2019

«Bravo»chilar tarafdorimasman, ammo tsenzuraga qarshiman

«O‘zbekkontsert» «Bravo» va Halimaning litsenziyalarini bekor qilibdi. Hechqisi yo‘q, «O‘zbekkontsert»ning 3-4 ta tadbirida bepul qatnashib berishsa, sekingina hech kimga e'lon qilmay qaytarib berishadi. Bu mayli, lekin «O‘zbekkontsert» ko‘pchilikdan litsenziyani tortib olganda «ma'naviy qadriyatlarga yot bo‘lgan xatti- xarakatlari» degan ibora bilan asoslaydi. Xo‘p, unda bu ma'naviyat deganingiz qanaqadir normalashtirilgan, standartlashtirilganmi o‘zi? Nima zidu nima mosligi ro‘yxati bormi? Agar litsenziyani tortib olishga keltirilayotgan sabab konkretlanmagan bo‘lsa, unda ma'naviyatga zid mezonni xohlagan narsaga ishlatish mumkin.

Mayli, tortib olishdi. Men emotsional tarafdan buni qo‘llab-quvvatlayman. Lekin bu tsenzura. Qip-qizil tsenzura. Eng yomoni, mana shunday qo‘rqinchli iboralarni keltirib, litsenziyasi olinayotgan artistlarga bir-ikki oydan so‘ng «ma'naviyatimizga zid bo‘lgan palonchiga litsenziya qaytarildi», deyilmaydi. Bu esa ikkiyuzlamachilik. Hammaga reklama qilib olib tashlab, qayta sekingina berish shunchaki ikkiyuzlamachilik.

Xalq shunaqa kontsertlarga tushyaptimi, ko‘ryaptimi? Ko‘ryapti. Bas qilinglar yuksak ma'naviyat deb baqirishni. Xafa bo‘lmanglar, mana bizning ma'naviyat, mentalitet. Mana, bravo. Biz o‘zimiz o‘ylagandek pok-pokiza bo‘lganimizda o‘sha kontsertga hech kim tushmasdi. Va yetar hammani bir xil ma'naviyatga tiqish. Hammaning o‘z ma'naviyati bor. U umumiy bo‘la olmaydi. U fiktsiya. Yo‘q narsa. Ming kishidan so‘rang ma'naviyat nima deb, ming xil javob olasiz. Shunday ekan, bu faqat individuallik. Qachon qutulamiz bu pufak, primitiv va kulguli ideologiyadan?!

PS. «Bravo»chilar tarafdori emasman. Men uchun bu past sort yumor. Men ko‘rmayman ham, kuymayman ham. Lekin tsenzuraga ham qarshiman.

Nozim Safarov
bloger-shoumen

Tag‘in o‘qing
9 aprel 2018
9 aprel kuni feysbuk ijtimoiy tarmog‘ida paydo bo‘lgan, O‘zbekiston davlat bayrog‘i fonida to‘pponchani mushukka tirab turgan erkak fotosi mushuksevarlar ...
8 fevral 2021
Samarqand viloyatining Pastdarg‘om tumanidagi Bog‘ishamol qishlog‘iga hali-hamon XXI asr shabadasi yetib borganicha yo‘q. Elektr energiyasi, gaz bir yonib, bir ...
4 oktyabr 2023
Etnomillatchi avom Xilton mehmonxonasidagi haykalni urkaltak sazoyi qilib yotibdi. Sababi: Haykaldagi o‘zbek egilib turibdi ekan. Iddao: O‘zbek egilmasmish! Bu ...
9 may 2018
O‘zbekistonda bu yilgi 9 mayni eski sovet an'analariga xos nishonlashga har yilgidan oshiqcha g‘ayrat ko‘rsatilmoqda. Bu tadbirlardan, «Eltuz» nashri ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...