Ko‘zqarash
5 aprel 2022

O‘qituvchilar: «Maktabimizga bir kelib keting, muhtaram prezident!”

Qashqadaryo viloyat, Qarshi tumanidagi 12-son maktab o‘qituvchilari Eltuzga yo‘llagan maktublari orqali o‘z direktorlari ustidan prezident Shavkat Mirziyoevga shikoyat qilishmoqda. Ular maktublarida prezidentning kelishini yo‘llar asfalt qilinib, uylarning ko‘chaga qaragan devorlari oqlanayotganidan sezishganini yozishgan. Shu maktub orqali Prezident Mirziyoevdan maktabdagi ahvolni kelib ko‘rishini so‘rashgan. Eltuz maktubni to‘liq (ayrim jiddiy imlo xatolarinigina to‘g‘irlagan holda) e'tiboringizga havola qiladi.

Qashqadaryo viloyati Qarshi tuman XTBga qarashli 12-son maktab direktori Haqberdieva Sayyora yetti yildan buyon raxbar lavozimida ishlab kelmoqda. Yangi raxbar bo‘lib kelgan vaqtida savodsiz, saviyasiz bo‘lishiga qaramasdan yumshoq fe'lli opa edi. Hozirgi kunga kelib opa ta'lim soxasini shaxsiy biznesga aylantirib olgan. 12-son maktab Sayyora Haqberdievaning daromad biznesi. Vazirlar mahkamasining 275-sonli qarori to‘g‘ri taqsimlanmaganligi 7-yillik faoliyatida o‘z isbotini topib turibdi. Hurmatli prezidentimiz Shavkat Miromonovichning, “o‘qituvchini hurmat qilmaganni, men ham hurmat qilmayman” degan jumlalari rahbarimiz S. Haqberdievaga yetib kelmagan ko‘rinadi, o‘zi o‘qituvchi bo‘lsa ham.

Maktabda ta'rifikatsiya to‘g‘ri taqsimlanmagan. Qonunga zid ravishdagi hatti-harakatlari haqida shikoyat yozib, tegishli tashkilotlarga murojaat qilsakda hanuz natija yo‘q. Qashqadaryo viloyat hokimi Murodjon Azimov viloyat hokimi bo‘lib tayinlanganda u kishini prokuratura soxasidan kelganligini eshitgandik, ko‘p utmay, Qarshi tuman hokimi Bekzod Yusupovlar ham prokuratura sohasidan kelganligini eshitib yanada kuvongandik. Qarshi tuman 12 ,38-sonli maktablardagi noqonuniy faoliyatlarga endi chek qo‘yiladi deya umid qilgandik, endi esa, “chuchvarani hom sanaganimizni” tushunib yetdik.

38-maktab hisobchisi Haqberdieva Tunug‘, 12-maktab direktori S. Haqberdievalarga davlat byudjetini talon-taroj qilishga hech qanday to‘siq yo‘qligini tushunib yetdik. Hurmatli prezidentimiz Shavkat Miromonovich tez orada Qashqadaryo viloyatiga tashrifingiz kutilayotganligini,  ko‘cha-kuyda obodonlashtirish, yo‘l chiziqlarining chizilishi, qisqa-qisqa yo‘llar asfalt bo‘layotganligi, mahallalarda katta yo‘l yoqasidagi uylarning ko‘cha qismlari oqlanayotganligidan sezmoqdamiz.

Tashkilotlarda fuqarolar bilan ishlash emas, faqat rasmiy hujjatlar asosida faoliyat olib borilib, joylarda rahbarlarni Prezident tashrifi arafasida tashkiliy ishlar bilan ko‘chada yurganligining guvohi bo‘ldik. Demak, prezidentimiz kelar ekanlar.

Siz kelib qo‘nadigan uchoqdan 12 kilometr narida Qarshi tumanidagi bizning 12-sonli maktabimiz joylashgan. Vaqt topib bizning maktabimizga ham bir nazar solsangiz, o‘qituvchilarimiz direktorimizning xiylayu-nayranglari, irim-sirim, sehru-jodu amallaridan aziyat chekmoqda. Sizning adolatli tashrifingizni 12 , 38-sonli maktab jamoasi kutib qoladi.

Hurmat bilan

Qarshi tumanidagi 12-son maktab o‘qituvchilari

Tag‘in o‘qing
28 iyun 2016
Bu haqda bayonot tarqatgan «Ezgulik» jamiyatining bildirishicha, jazo muddati uzaytirilgan G‘anixon Mamatxonov hozirda huquq faoli Kattaqo‘rg‘ondagi 7-sonli tergov izolyatorida ...
6 avgust 2020
Los-Anjelesda juda qimmatga baholangan uchta investitsiya ob'ekti bir vaqtning o‘zida sotuvga qo‘yildi. Hashamdor ko‘rinishdagi ushbu villalar 5,995 milliondan 6,495 ...
11 fevral 2023
O‘zbekistonda paxta yetishtiruvchi fermerlar tuzgan mustaqil kooperativlar faoliyati amaldorlar amri va qonunni o‘zboshimchalik bilan qo‘llash yo‘li bilan to‘xtatilmoqda. 2019 ...
6 sentyabr 2021
Ko‘rayotganingiz bu shodon odamlar qatiq bayramini qutlamoqda. Qatiq sharafiga alyorlar aytishmoqda. O‘zbekiston «Yashasin mustaqillik», deya shivirlayotgan paytda Turkiyaning Silivri ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...