Nima uchun biz Mustaqillik kunini rasmiy bayram sifatida nishonlaymiz?

O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat deb biladi? Bir yarim asrdan ziyod vaqt davomida kim bizning erkimiz, haq-huquqimiz, milliy-diniy qadriyatlarimizni, ozodligimizni poymol qilib, miliy boyliklarimizni talon-toroj qilib kelgan edi? Kim ona tilimizni ikkinchi darajali til sifatida ko‘rib, bizga o‘z tilini davlat tili sifatida tiqishtirib kelgan edi?

Toki bir umr o‘risga qul bo‘lib kelgan, hozirgacha o‘risni o‘zidan ustun, aqlli ko‘rib, unga ong-la tobe bo‘lib qolgan, Rossiya tomonidan bugungi kunda, ha, ayni damda sodir etilayotgan genotsid va xalqaro terrorchilik harakatlarini to‘g‘ri amal deb topib, o‘risning jinoyatlarini oqlashga urinayotgan avlod vakillari omon bo‘lib, yurtimizning turli vazirlik va idoralari, muassasa va tashkilotlarida faoliyat yuritib kelar ekan, yuqorida qo‘yilgan savollarga rasman to‘g‘ri va to‘liq javob berishga jur'at eta olmaymiz, yurtimiz haliveri o‘z milliy mustaqilligiga tom ma'noda erisha bilmaydi.

Bir so‘z bilan aytganda, odamlarning shunday bir toifasi bo‘lar ekanki, qarigan sari millatdan qarg‘ish olib borishni o‘ziga kasb qilib olar ekan.

Astag‘firulloh! Olloh bizdan go‘zal oxiratini darig‘ tutmasin!

Iste'fodagi podpolkovnik

Shokir Dolimov