Ko‘zqarash
30 sentyabr 2023

Rassom Tuz: «Biz baxtli bo‘lamiz xudo xohlasa…»

Shanba kuni Berlin markazida aylanib yurib, tasodifan bir nikoh to‘yining guvohi bo‘ldim. To‘y korteji bittagina aravachali velosipeddan iborat edi. To‘yda kelin-kuyov bilan qo‘shib hisoblaganda bor yo‘g‘i 8 kishi qatnashdi. To‘ydagi yegulik ichgulik velosiped aravachasiga jo bo‘ldi.

Kelin kuyovlar “Eltuz” nashri uchun o‘z sevgi hikoyasini lutfan aytib berishdi.

Kuyov 26 yoshda. Uning ismi Volf. O‘zbekchaga tarjima qilsak Bo‘rivoy bo‘ladi. Germaniya o‘ntaligiga kiradigan ayti shirkatda ishlaydi. Oyiga 10 ming yevrodan ko‘proq oylik oladi.

Kelinning ismi Linda. 23 yoshda. PR shirkatida dizayner. Oyiga o‘rtacha 3 ming yevro oladi.

Ular ikki yil mobaynida sevishib, bir birini yaxshi tanigach, to‘y qilib, umr rishtalarini bog‘lashga qaror qilishdi.
To‘y tantanasi Berlindagi burgeramtda nikohdan o‘tish rasmiyatchiligi bilan boshlandi. Ya'ni ular zagsdan o‘tishdi.

Nikohdan o‘tish sharafiga sakkiz kishi bir shisha shampan sharobi ichishdi.

Keyin oldiga yog‘ochdan bo‘lgan quti tirkalgan birgina velosipeddan iborat to‘y korteji bir paytlar Germaniyani ikkiga ajratgan devor bo‘ylab uzangan Shlizishes ko‘chasi bo‘ylab yurdi.
Orqada kelin kuyovning kumush sochlari qiyoshda yaltirab ko‘ringan ota-onalari mamnun qadam tashlaydi. Ularni suratga olayotgan turistlarga qarab jilmayib, poz berishadi.
Kelin kuyovlar Treptov parkiga yaqin joydagi turklar “bit bozori” deb aytadigan eski tuski bozoriga borishdi.
Toshkentdagi “Tezekov” bozoriga o‘xshash bu bozorda har xil ashqol dashqollar sotiladi.

Shu bozordan kuyovbola o‘z turmush o‘rtog‘i Lindaga sovg‘a olib berdi. Piva qopqog‘ini ochadigan bronzadan bo‘lgan ochqich. Keyin ular ko‘chaga chiqib, bozorga yondosh joydagi parkda “to‘y” qilishdi.

Endi to‘yni tasvirlasam. O‘rtada aravachili velosiped turibdi. Ichida meva sharbati, piva va makkajo‘xori qalamchalari deya bilganimiz chips solingan yaltiroq xaltachalar. To‘y harajatlari. Velosiped kuyov bolaning o‘ziga oid. Demak, tekin. Quti ichidagi yegulik va ichimliklar narxi 40 yevro atrofida. Mehmonlar o‘zlari bilan sharoblar olib kelishgan.

Kuyov bolaning kelinga sovg‘asi 2 yevro. Lindaning oldiga borib, Eltuz nashri o‘quvchilariga biror narsa ayt, deb iltimos qildim.

Lindaning aytgan gapi aynan mana shunday bo‘ldi. Wir werden glücklich sein, wenn Gott will.

Buni tarjima qilgach, o‘zim hayron qoldim.

“Biz baxtli bo‘lamiz Xudo xoxlasa”

Muhammad Yusufning shunaqa sha'ri bor edi.
Mayli-da, kimgadir
Yoqsa, yoqmasa,
Ularga qo‘shilib
Yig‘lasharmidik.
Biz baxtli bo‘lamiz
Xudo xoxlasa,
Xudo xohlamasa
Uchrasharmidik…

Tag‘in o‘qing
19 sentyabr 2015
Bugun ijtimoiy tarmoq orqali bildirilishicha, kecha tushlik paytida Andijon viloyatining Marxamat tumanidagi 31-maktabdan ikki nafar birinchi sinf o‘quvchilari o‘g‘irlangan. ...
5 avgust 2019
Haydovchilarni qayta tayyorlash va bu haqda sertifikat berish tizimini to‘laligicha monopoliya qilib olgan “Avtotest Report” MChJning kutilmaganda “o‘yindan chiqishi”ni ...
15 oktyabr 2021
13 oktyabrda Toshkent shahri Mirzo Ulug‘bek tumani fuqarolik ishlari sudida shoir Yo‘lchi Ro‘zievning da'vo arizasiga binoan ochiq sudda O‘zbekiston ...
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar tizimi mamlakat qishloq xo‘jaligi ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...