Dayjest
14 yanvar 2016

Bolasini bo‘g‘ib o‘ldirgan qiz va qo‘lga olingan qizfurushlar

O‘zbekistonda deyarli 100 foiz tadbirkor banklarga ishonishiga ishonasizmi?

“Milliy tiklanish” gazetasining yozishicha, “Ijtimoiy fikr” jamoatchilik markazi o‘tkazgan so‘rovda qatnashgan tadbirkorlarning 98 foizi “Tijorat banklari kreditlaridan foydalanib, o‘z oldingizga qo‘ygan natijalarga to‘liq erishdingizmi?” degan savolga ijobiy javob qaytargan. So‘rovnomada ishtirok etayotganlarning 99,8 foizi esa “Bank – mijoz uchun” tamoyili amalda o‘zini oqlayotgani, bank tizimidagi islohotlar iqtisodiyot barqarorligi va turmush farovonligini ta'minlashda muhim omil bo‘layotganini bildirgan.

“Ishtirokchilarning bank tizimiga bunday yuksak ishonchi mamlakatimizda istiqlol yillarida sohada amalga oshirilayotgan keng ko‘lamli islohotlar samarasidir”, deya xulosa qiladi gazeta.

Kaniza militsiyaga ishonmaydi

Sayyod.com internet nashri xonanda Kanizaning Porsche Cayenne mashinasiga o‘g‘ri tushgani haqida yozdi.

Mashinadan, xonandaning aytishicha, 2,5-3 mln so‘mlik Cavalli sumkasi, 10 ming dollarlik Vertu telefoni, 400 dollarlik Fleur Narcotique atiri, qimmatbaho hamyon hamda 300 mingcha so‘m o‘g‘irlab ketilgan.

Kaniza bu o‘g‘irlik yuzasidan militsiyaga murojaat qilmasligini bildirgan.

“Chunki bundan avval ham boshqa mashinalarimdan 4-5 marta shunday o‘g‘irlatib qo‘yganimda ular yordam bera olmagandi, shu sabab yana behuda yozuv-chizuvlar bilan vaqtimni ketkazmayman”, degan xonanda.

Buxorolik qiz noqonuniy tuqqan bolasini bo‘g‘ib o‘ldirdi

“Huquq” gazetasining yozishicha, Buxoro viloyatining Kogon tumanilik qiz dalaga ishlab yurgan vaqtida Nizom ismli yigit bilan bir muncha vaqt yaqinlik qilib yurgan va homilador bo‘lib qolgan.

Qiz uzoq vaqt bu sirni yashirib kelishga muvaffaq bo‘lgan. Uy-kuni to‘lganida esa hammomga kirib tuqqan va shu yerning o‘zida uni bo‘g‘ib o‘ldirib, yarim kechasi dala chetidagi chiqindixonaga tashlab ketgan.

Ertasi kuni jasad topilgandan so‘ng qotil ayol hibsga olingan va sudga tortilgan.

O‘g‘rilar guruhi ushlandi

Mashinalarga o‘g‘irlikka tushish bilan bog‘liq jinoyatni sodir etib kelgan o‘g‘rilar guruhi qo‘lga olindi, deb xabar berdi “Ogoh” gazetasi.

O‘g‘rilar, asosan, Oloy bozori hududida jinoyatlar sodir etgan. Ular kechasi mashinalarga o‘g‘irlikka tushib, ichidagi qimmatbaho buyum va pullarni o‘marish bilan shug‘ullangan.

O‘g‘rilar 19-20 yoshlardagi yigitchalar bo‘lgan.

Zimiston uchun sarmoya

O‘zbekiston 2016 yilda 154 ta sarmoyaviy loyiha bo‘yicha 4 milliard dollardan ortiq xorijiy sarmoya jalb etishni rejalashtirmoqda.
“Gazeta.uz” internet nashrining yozishicha, bu mablag‘ning 1,339 milliard dollari hukumat kafolati ostida olinadi va 69 ta loyihani o‘zlashtirishga sarflanadi.

Xorijiy sarmoyalarning katta qismi – 2,29 milliard dollari yoqilg‘i-energetika sektori hissasiga to‘g‘ri keladi.
2015 yilda esa O‘zbekiston 3,53 milliard dollar hajmida xorijiy sarmoya jalb qilishi aytilgandi.

Qizfurushlar qo‘lga olindi

“Ogoh” nashri Toshkentning Sirg‘ali tumanida ayollarni Dubayga yuborish bilan shug‘ullangan ona-bolalar qo‘lga olinganini ma'lum qildi.
Aytilishicha, asli namanganlik ayol uch qizi bilan birgalikda besh yilcha muqaddam bir guruh qizlarni aldab Dubayga jo‘natgan. Dubayda bu qizlar fohishalik qilishga majburlangan.

Besh yil davom etgan xo‘rliklardan keyin qizlardan biri qarindoshlari bilan qo‘ng‘iroqlashishga muvaffaq bo‘lgan. Ular esa tegishli idoralarga xabar bergan. Natijada qizlar O‘zbekistonga qaytarilgan, jinoiy guruh esa javobgarlikka tortilgan.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
14 fevral 2022
Internet texnologiyalari hayotimizni tez o‘zgartirmoqda: qaerda bo‘lmasin, ular bizga axborot olish, ma'lumot almashish va muloqotga kirish imkoniyatlarini kengaytirmoqda. Shu ...
24 iyul 2017
«Yashnobod demokratiyasi» aks etgan realiti shouda tuman hokimi Dilmurod Turdiev o‘zidan oldingi mulozimlarga xos bo‘lmagan fazilatni namoyish qildi. «Mahalla» ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va turk dunyosi imkoniyatlari haqida. ...
27 aprel 2017
Notanish ayollarning uyiga bostirib kelib janjal ko‘tarishi ortidan Prezident portaliga murojaat etgan xorazmlik Shukurjon Madrahimova 27 aprel kuni Viloyat ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...