Asosiy mavzular
13 iyun 2016

Gey klubdagi 50 kishini o‘ldirgan qotilning xotini o‘zbekistonlik bo‘lgan

Orlandodagi Gey klubga hujum uyushtirgan 29 yashar Umar Metin Siddiqiyning xotini Sitora Alisherzoda Yusufiy o‘zbekistonlik bo‘lgan, ammo ular 2013 yilda ajrashishgan.

rasm1553
Sitora Yusufiy sobiq erini badjahl ammo diniy mutaassib bo‘lmaganligini ta'kidlaydi © heavy.com

Eltuz.comga ma'lum bo‘lishicha, Umar Metin Siddiqiyning xotiniga qo‘l ko‘targani ajralish sababi bo‘lgan.

AQShda yashayotgan o‘zbekistonlik Sitora Yusufiy internet orqali kelib chiqishi Afg‘onistondan bo‘lgan va jazoni o‘tash muassasalaridan birida qo‘riqchi bo‘lib ishlagan Umar Metin Siddiqiy bilan tanishgan.

Bu tanishuv ortidan o‘zbek kelin 2009 yilda Floridaga ko‘chib kelib nikohdan o‘tgan.

Sitora Yusufiy ismli o‘zbek kelin Washington Post bilan suhbatda o‘z sobiq erini badjaxl, hudbin deya takidlagan va uning diniy mutaassib bo‘lmaganligini ham o‘z so‘ziga ilova qilgan.

rasm1545
Umar Siddiqiy Orlando shahridagi klubga kirib o‘t ochgan © heavy.com

Orlandoda ommaviy qotillik sodir etgan jinoyatchi Umar Matinning otasi Sodiq Matin Siddiqiy o‘g‘lining qilmishi uchun NBC efiri orqali kechirim so‘radi.

Orlandodagi tungli klubda sodir etilgan otishmada 50 kishi halok bo‘ldi, 53 kishi yaralandi. Umar Metinning o‘zi esa politsiya tomonidan otib o‘ldirildi.

CBS News ota-onasi Afg‘onistondan bo‘lgan Umar Matin Siddiqiy Floridaning Port Seynt Luis shahrida yashaganini ma'lum qildi.

Voqea AQSh tarixidagi eng katta ko‘lamdagi qirg‘in sifatida ta'riflandi. Umar Siddiqiy Orlando shahridagi geylarning “Puls” tungi klubiga avtomat va to‘pponcha bilan kirib o‘t ochgan.

Eltuz.comga ma'lum bo‘lishicha, Siddiqiy hujumdan sal oldin favqulloda xolatlarda teriladigan 911 raqamiga telefon qilib o‘zini IShID tarafdori ekanligini aytgan.

Eltuz.com

Tag‘in o‘qing
1 may 2019
Toshkent shahri hokimining tadbirkor bilan yovvoyi «samosud»ini ko‘rib, bir-ikki fikr aytishni joiz deb bildik. Kimga qanaqa bilmadig-u, lekin juda ...
27 mart 2019
Rasmdagi ayol Estoniya prezidenti Kersti Kalyulayd. Myunxendagi konferentsiyada odamlar orasida o‘tirganida uni tanishmadiyam. U majlis zalida el qatori oddiy ...
26 dekabr 2018
Yangi yil arafasida 9 yashar o‘zbek qizi Madina qorboboga xat yozdi. Nega lotindamas, kirillda yozding, degan savolga qizaloq Toshkentdagi ...
20 iyul 2016
O‘zbekiston Xalq artisti Erkin Komilovning o‘zi bilan sodir bo‘lgan voqeani ayta turib, Toshkentga viloyatdan kelayotganlarni uyat gap bilan so‘kkanini ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...