Dayjest
30 iyun 2016

O‘zbekiston «jahonning obro‘li yo‘lchi yulduzi»mi?

Shanxay hamkorlik tashkilotining sammiti davrida tahlillar, qarashlar borasida sukut saqlab, go‘ng bo‘lib o‘tirgan O‘zbekiston matbuoti nihoyat turli arboblaru sharhlovchilarning bu mashvaratga munosabatlarini e'lon qila boshladi.

Xususan, «Milliy tiklanish» gazetasi «XXR raisining O‘zbekistonga davlat tashrifi bilan bo‘lishi hamda ShHTning Toshkent sammiti hamda mazkur tashrif va sammit doirasida o‘tgan ko‘plab yuksak darajadagi tadbirlar O‘zbekistonning xalqaro maydondagi obro‘ va nufuzi naqadar yuksalayotganidan yorqin dalolat ekani»ni bildirdi.

Aslida ShHT sammitlari har yili a'zo davlatlarning birida bo‘lib o‘tadi. Demak, bu sammitni o‘tkazish dunyo miqyosidagi qandaydir nufuz yoki obro‘ni anglatmaydi. Lekin ura-uraga o‘rgangan o‘zbek matbuoti uchun buning qizig‘i yo‘q. Madh uchun bahona topilsa bo‘ldi. Topilmasa, kerak bo‘lsa bahona ham yaratiladi.

Xullas, gazeta sammitga munosabat bahona tarixiy chekinish ham qiladi.

«Prezidentimiz ta'kidlaganidek, O‘zbekiston sobiq tuzumning asorati tufayli mustaqillikka erishgan ilk yillarda bir tomonlama shakllangan, faqat paxta xomashyosini yetishtirishga tayanib qolgan iqtisodiyotga ega edi, – deydi gazeta. – Paxta yetishtirish, oltin va nodir metallarni qazib olish bo‘yicha sobiq Ittifoqda eng yuqori o‘rinlarda bo‘lishiga qaramasdan, ularning qiymati, qaerga sotilayotganligi, olinayotgan foyda haqida umuman ma'lumot bo‘lmagan».

Bu so‘zlarni o‘z ketini o‘zi ochish, desa bo‘ladi nazarimizda. Chunki oltin va paxtadan qancha foyda olinayotgani, ularni kim sotayotgani haqida mustaqillikka erishgan O‘zbekiston rahbariyati ham xalqiga hech narsa aytayotgani yo‘q-ku. Faqat O‘zbekistonning qanchadir tonna oltini ortilgan samolyot Moskvada qo‘lga tushganiyu, egasi topilmagani uchun musodara qilingani to‘g‘risidagi mish-mishlarni eshitib qolamiz, xolos.

Gazeta O‘zbekistonning «huquqiy davlat, demokratik jamiyat, erkin va farovon hayot qurish… yo‘lida erishilgan yutuqlariga bugun butun dunyo havas qilayotgani»ni ta'kidlaydi.
Bu so‘zlarni o‘qib, dunyo uchun yo‘lchi yulduz bo‘lib ket-ey, O‘zbekiston, deb yuboradi o‘quvchi.

Eltuz.com

Tag‘in o‘qing
7 avgust 2019
Toshkent markazidagi Pushkin ko‘chasida 6 avgust kuni yuz bergan avariyada kamida uch shaxs, jumladan, IIVning ikki xodimi shikastlandi. Voqea ...
11 iyun 2019
Veterinar bilan gurunglashib qoldim. Qo‘ylarga bitta ukol qilaman, ikkita, uchta tug‘adi, dedi. Oxirgi bir-ikki yilda O‘zbekistonda uchta tug‘adiganlar ko‘payib ...
7 dekabr 2020
Rassom Kirpi karikaturasi
30 sentyabr 2019
Shanba kuni Berlin markazida aylanib yurib, tasodifan bir nikoh to‘yining guvohi bo‘ldim. To‘y korteji kajavali bittagina velosipeddan iborat edi. ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...