Kundalik
25 sentyabr 2015

Paxta vasvasasi yoki kaltak yegan Dmitriy Tixonov…

“Dalani ko‘rishga borgan o‘zbek huquqboni tahqirlandi” degan tagsarlavhani ko‘rganlar, pinak buzishmaydi, chunki O‘zbekistonda har yili paxta terilishi, tag‘in butun xalqning bunga majburan “ixtiyoriy“ safarbar etilishi, nafaqat paxta termagan, balki terimchilar oldiga borganlarning kaltaklanishi ko‘p eski mavzu.

“Qimirlamasdan o‘tirdim. Keyin o‘sha odam qo‘liga ikki yuztacha qog‘ozlarni olib, boshqa ikki xodim hozirligida meni yuzim va boshimga ura boshladi. Urayotganda, «paxta bizning boyligimiz, bizning faxrimiz» deb baqirdi” – deydi Dmitriy Tixonov matbuotga bergan o‘z intervyusida.

Bu voqea haqidagi xabar ko‘pgina internet nashrlarida tildan tilga ko‘chdi. Bu haqda yozarkan, qancha jurnalistu muharrirlar o‘z oshi nonlarini halollab, tag‘in Gulhaniyning Zarbulmasali qahramonlari kabi ichlarida ”agar shu hukumat iqtidorda tursa yana qancha otashin mavzularga xabarlar topamiz”, deb qo‘yishadi.

Shamg‘alat o‘quvchimiz uchun esa bu oddiy hol. Qo‘lidagi mobil go‘shagini varaqlarkan, “traktor tagida qolib o‘lgan bola”, “dalada qolayotgan o‘qituvchilarning soxta dars konspektlari”, “Qurbon hayiti kuni paxta terimiga haydalganlar”, “paxtaga pul bermagan o‘quvchilarga tahdidlar”, “Paxtadan 11 million dollar zarar ko‘rayotgan zavod”, “Paxta kolonnasida 80 ta odami bilan ag‘darilgan avtobus”, “Paxtaga ketgan talabaning suvga cho‘kib o‘lgani”, “Terimga deya qoqib olinayotgan pensionerlarning pullari”, “Paxta terayotgan melisalar” va hokazo xabarlarga shunchaki ko‘z yugurtirib o‘tib ketadi.

Kunlarimiz go‘yo “Sug‘ur kuni” filmidagi kabi kechmoqda. Har yili qaytalanaverib, siyqasi chiqqan paxta vasvasasidan ko‘plar yiroq ketishni istashadi. Har yili, odamlarni paxta terishga majburlashgan, paxta uchun kaltaklashgan, o‘ldirishgan… dunyoda bundan qiziqroq narsalar yo‘qmi?

“Bularning xech qizig‘i yýq. Faqat, paxta bilan ovorasiz!”, deya yozadi feysbugda nimadandir menga zarda qilib, o‘zini ashaddiy muxolifatchi sanagan Isoqjon Zokirov degan do‘stimiz.
“Bularning xech qizig‘i yýq. Faqat, paxta bilan ovorasiz!”, deya yozadi feysbugda nimadandir menga zarda qilib, o‘zini ashaddiy muxolifatchi sanagan Isoqjon Zokirov degan do‘stimiz.

Shu yerda tag‘in sho‘rlik Dimaning kaltaklanishi masalasiga qaytsam. “Xonada guvoh bo‘lgan ikki xodim, darrov «biz hech narsani ko‘rmadik» deb aytishdi”, deydi u. Guvohlarni qo‘ya turing, aslida ularning yuqoridagi xabarlarni o‘qigan biz kabi o‘quvchilardan hech farqi yo‘q, ular ham, biz ham hech narsani ko‘rmaymiz. Biroq, kaltaklanganning holi ne kechdi…

Yarim soatdan keyin tez yordam mashinasi kelib, ikki ayol shifokor meni ko‘rikdan o‘tkazishdi” deya yozg‘iradi bechora Dima. O‘ylaysizki, ular bemorni ko‘rishga kelishgan debmi, yanglishasiz.
Men ularni chaqirmagandim, ularni militsiya chaqirgan, o‘zlarini kelajakda saqlab qolish uchun, himoya qilish maqsadida, – deydi jabrdiyda.

Internetda ko‘zim ilg‘agan bu voqeadan jig‘ibiyronim chiqib, nimalardir yozdim, bundan ortig‘i qo‘limdan kelmadi. Buni o‘qishni ham hech kim istamas, balki kimdir o‘qir, kimdir yana nimadir yozar, yana kimdir kaltaklangan do‘stimizni himoya qilish uchun unga haqiqiy yordam qo‘lini cho‘zar…

Qudrat Bobojon,
www.eltuz.com

Tag‘in o‘qing
25 dekabr 2017
24 dekabr – yakshanba kuni Toshkent shahar xalq deputatlari tuman kengashlariga bo‘lib o‘tgan saylov xalqning bunday tadbirga umuman ishonchi ...
30 mart 2020
Tuman markaziga borib keldim. Ishim bor edi. Qalampir va pomidor ko‘chatlar sotyapti ekan. «Pomidor ko‘chati yetti donasi ming so‘m», ...
12 fevral 2022
(Taniqli shoir va siyosatchi Muhammad Solihning “Imperativ” kitobidan 43-qism. Audiokitob matnini muallifning o‘zi o‘qigan. Davomi bor.) MOSYo TEST BILAN ...
7 iyul 2017
O‘tgan hafta Sankt Peterburgdan Xorazmga qaytgan Shuxdil kanali blogeri Shuhrat Masharipov jonli videolari bilan mashhur bo‘ldi. Qisqa vaqt ichida ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...