Asosiy mavzular
5 aprel 2021

Shar'iy nikohdagi xotinini o‘z ukasi bilan baham ko‘rgan er

Surxondaryo viloyatining Jarqo‘rg‘on tumanida yashovchi fuqaro Yaxshigul Jumaeva (ismi o‘zgartirilgan) shar'iy nikohdagi eri o‘z tug‘ishgan ukasi bilan uni jinsiy aloqa qilishga majburlab kelganini bildirdi.

“Effect.uz” ayolning murojaati asosida tayyorlagan materialda ayol 2020 yilda shar'iy nikohdan o‘tgani, ammo turmush o‘rtog‘i va qayin ukasi uni muntazam kaltaklab va zo‘rlab kelgani aytiladi.

“2020 yil 29 avgust, karantin paytida o‘zimga avvaldan tanish bo‘lgan, Jarqo‘rg‘on tumani “Qumqishloq” mahallasida yashovchi Yusuf Ahmedovga (ismi o‘zgartirilgan) turmushga chiqdim. Menga ertasi kuniyoq ayovsiz kaltaklar bilan bosim boshlandi.

Turmush o‘rtog‘im menda ko‘ngli yo‘qligini, ota–onasining qistovi bilan uylanganini, o‘zi yashab yurgan ayoli borligini aytdi. 31 avgust kuni erim va uning 1991 yilda tug‘ilgan ukasi Sodiq Ahmedov (ismi o‘zgartirilgan) xonamga kirib, ikkalasining ham jinsiy ehtiyojini qondirishim kerakligini, bo‘lmasa bu xonadonda yashashga qo‘ymasligimni aytishdi. 

Tabiiyki, men rozi bo‘lmadim, uyga ketmoqchi bo‘lganimda oldin sudlanganligini aytib, dadam va ikki jiyanimni o‘rtaga qo‘shib tahdid qilishdi”, deydi Yaxshigul Jumaeva.

Uning ta'kidlashicha, Xalq bankining Jarqo‘rg‘on tumani bo‘limida yurist bo‘lib ishlaydigan eri ukasi bilan birga talablariga rozi bo‘lmagan ayolni qattiq kaltaklab kelgan. 

“Qochib ketmoqchi bo‘lganimda qo‘limning vena tomirini kesib tashlashdi. Ular meni muntazam zo‘rlab kelishar edi. Muntazam kaltaklar hamda zo‘ravonliklar oqibatida ikkinchi guruh nogironi bo‘lib qoldim.

Hatto jismoniy va ruhiy bosimlar ortidan 10 haftalik egizak homilam ham nobud bo‘ldi. Uydan qochmoqchi bo‘lganimda ovsinim Guli Ahmedova (ismi o‘zgartirilgan) meni ushlab berardi. 

Kuniga 3-4 marta jinsiy aloqada bo‘lmasam, kaltaklar tagida qolardim. Buning oqibatida qorachig‘im oqib ketib, bitta ko‘zim ham ko‘rmay qoldi. Qo‘rqqanimdan hech kimga murojaat qila olmadim. Agar murojaat qilsang o‘ldiramiz, deb tahdid qilishardi”, deydi “Effect.uz”ga Yaxshigul Jumaeva.

Uning bildirishicha, qaynotasi Monopoliyaga qarshi kurashish qo‘mitasining Termiz shahri bo‘limida ishlaydi. Bir safar qayin ukasi uni zo‘rlamoqchi bo‘lganida qarshilik ko‘rsatganidan so‘ng bu voqeadan qaynota-qaynonasi ham xabar topgan.

U turmush o‘rtog‘i va qayin ukasining kaltaklaridan so‘ng hushsiz holda shifoxonaga tushib qolgani haqida gapirar ekan, qayin singillari qasddan “u sirka (uksus) ichdi”, deb shifokorga yolg‘on so‘zlashganini aytadi.

Ammo bu yolg‘on o‘z isbotini topmagan. Ma'lum bo‘lishicha, qayin singillari vrachlarda shubha uyg‘onmasligi uchun uning ustiga atayin sirka sepib qo‘ygan ekan

“To‘yib ketganim tufayli 2021 yil 6 yanvar kuni o‘zimni osish darajasigacha borganman. Buni ko‘rib qolgan qayin ukam meni 3 kun suvsiz, ovqatsiz qamab qo‘ygan. Kun o‘tgani sari menga nisbatan bosimlar davom etardi… 

Itdan battar azoblandim. Ularga nisbatan qonuniy chora ko‘rishlarini istayman”, deydi Yaxshigul Jumaeva “Effect.uz”ga qilgan murojaatida. 

“Mazkur holat bo‘yicha tegishli tashkilotlar tezkorlik bilan surishtiruv ishlarini olib borishlari va videomurojaatda keltirilgan iddaolar bo‘yicha xolis va shaffof tekshiruv o‘tkazishlari shart bo‘ladi. 

Aks holda o‘z xotinini ukasiga “turgazib” bergan hamiyati yo‘q erkaklar ertaga bizning yaqinlarimizga ham tashlanib qolishi mumkin. Bu jamiyat esa bunday iflosgarchilikni ko‘tara olmaydi, KO‘TARMAYDI”, deb yakunlanadi maqola.

Tag‘in o‘qing
26 dekabr 2017
Prezident Shavkat Mirziyoev parlamentdagi 22 dekabr kungi chiqishida Moliya vazirligini keskin tanqid qilishi ortidan vazirlikda tekshirish, xodimlarni ommaviy ishdan ...
4 aprel 2021
O‘zbekiston tarixida ilk ro‘yxatga olingan muxolifatdagi «Erk» demokratik partiyasi Xidirnazar Allaqulov rahbarligida ta'sis etilgan yangi sotsial-demokratik partiyaga qarshi tazyiq ...
1 may 2015
O‘zbekistonda maxsus xizmat xodimlari ayollarni ro‘molini yechishga majbur qilishmoqda. rasm muallifi: Shuhrat Bobojon
24 may 2016
Buxoroning so‘kong‘ich hokimlaridan birini majlisda bir urib yiqitgan olotlik fermer Bahodir Sharipov nomi elga ovoza bo‘ldi. Ayrim manbalar, hususan ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...