Catira
22 noyabr 2017

Mirziyoev so‘kma desa ham hokimlar so‘kaveradi

Andijon shahri hokimi Dilmurod Rahmatullaev maktab direktorlari va o‘qituvchilarini «hayvon», «shoqol», «eshshak», «gadoy», «padaringga la'nat» deya haqoratladi.

16 oktyabrdagi majlisdan yozib olingani aytilgan,»Ozodlik» radiosi ochiqlagan 27 minutlik audioda Rahmatullaev paxta terimiga kam odam jo‘natgan erkagu ayol pedagoglarni tuban so‘zlar bilan haqorat qiladi.

Ma'lum bo‘lishicha, majlisda shahardagi 50 ta maktab, 12 ta kollej, litsey, 70 ta bog‘cha rahbarlari, masjidlar imomlari, tibbiyot xodimlari, militsiya va prokuratura rahbarlari qatnashgan.

“Tupurganman senlarga, ey tvarlar! Nafas oladigan o‘zingga o‘xshagan nechta shoqol bor, ey iflos?” deydi hokim kollej rahbarlarini birma-bir turg‘azib.

Bu yilgi paxta mavsumida hokimlarning so‘kong‘ichligi tendentsiyaga aylandi

1 noyabrda Parkent tumani hokimi Ne'matulla Abdullaevning yig‘ilishda aytgan bolaxonador so‘kishlari ham odamni vahimaga soladi.

45 minutlik audioda Parkent hokimi byudjet tashkilotlari rahbarlari sha'niga 120 dan ziyod uyat so‘z ishlatgan.

Bundan oldinrok ijtimoiy tarmoqda Sayxunobod tumani hokimi Nosirjon Egamberdievning maktab direktorlarini bittalab savalagani tasvirli video tarqalgandi.

15 noyabrdagi selektor yig‘ilishida Shavkat Mirziyoev rahbarlarning «xizmat vakolatini suiiste'mol qilib, qo‘l ostidagilarga qo‘pol munosabatda bo‘layotgani»ni qoralab gapirgandi.

Biroq o‘zi ham qo‘li ostidagilarga qo‘polligi bilan tanilgan prezident so‘zlarining samimiyligi shubhali. Chunki yuqorida nomi keltirilgan hokimlar hamon o‘z mansabida qolishmoqda. Odamlarni haqorat qilishgani uchun ularga qandaydir jazo berilgani jamoatchilikka ma'lum emas.

Rassom Tuz
Eltuz.com

Tag‘in o‘qing
16 dekabr 2020
11 dekabr kuni Yevroosiyo iqtisodiy ittifoqining onlayn sammitida O‘zbekiston va Kubaga tashkilot huzuridagi kuzatuvchi davlat maqomi berildi. Tadbirda YeOIIga ...
12 sentyabr 2019
Saytimizning qadrli o‘quvchilari. Sizdan bu yilgi mavsumda talabalar, turli idoralar xodimlari yoki tadbirkorlarni paxtaga jalb qilish yoki ularni paxta ...
26 avgust 2023
Ukrainaga qarshi Rossiya tomonida jang qilayotgan “Rusich” neonatsistlar guruhi «har qanday jangovar topshiriqlarni bajarishni to‘xtatganini» bildirdi. Hammasi jangari guruhning ...
28 dekabr 2020
O‘zbekiston hukumati yolg‘on ma'lumotlar tarqatilishini jinoiy javobgarlikka tortishga urinishni to‘xtatishi va jurnalistlarning jazodan qo‘rqmasdan erkin ishlashini ta'minlashi kerak.  Bu ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...