Oltinsoyliklarga aza – xokkeychilarga maza!

Joriy yilning 17 fevral kuni prezident Mirziyoev rossiyalik xokkeychilar Valeriy Kamenskiy, Aleksandr Yakushev, Vitaliy Proxorov va Aleksey Jamnovga Toshkent shahri markazidagi elit turarjoy majmuasidan kvartiralar sovg‘a qilgani haqida Rossiyaning RIA agentligi xabar tarqatdi.

«Bugun prezidentimiz topshirig‘i bilan dunyoga tanilgan xokkeychilarga sertifikatlar topshirmoqdamiz. Toki ular O‘zbekistonga o‘z uylariga kelganday kelib, bu yerda o‘z tajribalari, bilim va ko‘nikmalarini baham ko‘rishsin», deya iqtibos keltirdi Rossiya axborot agentligi Toshkent shahri hokimi Jahongir Ortiqxo‘jaevning sertifikat topshirish marosimidagi gaplaridan iqtibos keltirib.

15 fevral kuni o‘zbek ijtimoiy mediasida ovoza bo‘lgan IIB xodimlari va aholi o‘rtasida to‘qnashuv videolaridan keyin paydo bo‘lgan bu xabar ijtimoiy tarmoqda turli bahslar uyg‘otmoqda.

Tasvirlarda Surxondaryo viloyatining Oltinsoy tumanidagi Xalqobod mahallasida uylaridan haydab chiqarilgan aholi va IIB xodimlari o‘rtasida yuz bergan to‘qnashuv aks etgan edi.

Bundan bir yil avval, 2019 yilning 16 mart kuni prezident Mirziyoev Toshkentda mamlakat sportini rivojlantirishga hali hech bir hissa qo‘shmagan Rossiya xokkeyi va figurali uchish yulduzlariga kvartiralar hadya qilishga farmon bergan edi.

Eltuz.com