Asosiy mavzular
20 iyun 2017

O‘g‘lining o‘ldirilishidan arz qilgan ayol sudlandi

19 iyun kuni kechqurun prezidentga shikoyati yuzasidan Toshkentga, Ichki ishlar vazirligidagi qabulga ketayotganida Surxandaryolik Karomat Qodirova yulda ushlanib orqaga qaytarildi.

Darband postida ushlangan ayolning Surxondaryoga olib ketilgani haqida 20 iyun kuni mustaqil jurnalist Maloxat Eshonqulova xabar tarqatdi.

Unga ko‘ra, Karomat Qodirova Jinoyat ishlari bo‘yicha Jarqo‘rg‘on tuman sudi binosiga keltirilgan.

Soat tungi 22.00-23.00 larda sud bo‘lib o‘tgan.

Sud idorasidan militsiyaning maxsus mashinasida olib chiqilgan Karomat Qodirova 19 -dan 20 ga o‘tar kechasi Termiz shahriga olib ketilgan.

Hozirga qadar, ayolning ustidan bo‘lib o‘tgan sud qanday qaror chiqargani, uni nimada ayblashgani noma'lum.

Mojaro tadbirkor o‘g‘ilning o‘ldirilishi bilan bog‘liq

Karomat Qodirova, o‘g‘li Murodilla Omonovning 2017 yilning 20 yanvarida Jarqo‘rg‘on IIB binosida o‘ldirilgan deya hisoblaydi.

“Farzandimni militsiya xodimlari militsiyaga olib kirib ketib, yarim soatda o‘ldirib, jasadini morgga olib borib, nimtalab-nimtalab kesib tashlab, mening oldimga ertalab saharda olib kelib tashlashdi” deydi Qodirova o‘zining prezidentga videomurojaatida.

Biroq, viloyat rasmiylari ayolning o‘g‘li o‘ldirilganini inkor etib keladi. Jumladan Sud ekspertizasining “Marhum Murodilla Amonov o‘zini o‘zi osib o‘ldirgan” degan hulosalari mavjud.

Surxondaryo viloyat IIB sobiq boshlig‘i Ataev Jasurbek esa, uning yurak hurujidan o‘lganini iddao qiladi.

Murodilla Omonovning ushlanishiga rasmiy ayblov, uning avtomobilda yo‘l harakati qoidasini buzgani bo‘lgani qayd etilgan.

Biroq marhumning onasi Karomat Qodirova, o‘g‘liga qasd qilinishida Bozor hududidagi unga tegishli 10 sotix yer sabab bo‘lgan deya iddao qiladi.

Bozorqum Abdullaboy Rahmonov undan yerini sotishni so‘ragan, u esa buni rad qilgan.

“Jarqo‘rg‘on tuman hokimi bo‘lgan Usmon Turobov va dehqon bozori bozorqo‘mi Abdulla Rahmonovning buyurtmasi asosida farzandimni o‘ldirishdi”, deydi ayol:

O‘g‘lining o‘limi sabablarini har tomonlama surishtirishni talab qilib, Karomat Kodirova prezident qabulxonasiga shikoyat qilgan va uni 22 iyun soat 10.00 da Ichki ishlar vazirligidagi qabulga chaqirishgan edi.

Eltuz.com

Tag‘in o‘qing
12 mart 2020
Koronavirus: Faqat men haqda gapirilmoqda! Yo‘tal, Tumov, Gripp: Bizni birov eslamaydiyam… Rassom Kirpi Eltuz.com
1 mart 2019
Samvel Babayanning yana o‘zbek futboliga qaytishi masalasida bir necha nuqtalar borki, kishida ko‘plab shubhalar uyg‘otadi. Birinchi nuqta shuki, u ...
10 mart 2020
O‘zbekiston bosh vaziri Abdulla Aripov ishtirokidagi yig‘ilishda respublika bo‘yicha 300 dan ziyod qishloq va mahallaning, 400 ga yaqin ko‘chaning ...
18 avgust 2020
“Men barmoqlarim ko‘karguniga qadar hokimiyatga osilib o‘tirmayman” degan edi jurnalistlarga Belarus prezidenti 2019 yilning noyabrida. Biroq bugun butun mamlakat bo‘ylab Lukashenko ...
Bloglar
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni ...
11 aprel 2021
«From Me to You» (Mendan senga) — Lennon va Makkartni dueti ijro qilgan zarif bir ...
8 aprel 2021
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz ...