Asosiy mavzular
15 may 2018

Fahriddin Tillaev: O‘zbekistonda muxolifatga erkinlik berilishi kerak

Mirziyoevning AQShga safari arafasida qamoqdan ozod etilgan o‘zbek faoli Fahriddin Tillaev, xalqaro tashkilot vakillari bilan uchrashuvda erkinliklar va muxolifatga yo‘l berilishi kerakligi haqida gapirdi.

O‘zbekistonda «Mardikorlar kasaba uyushmasi»ni tuzishga uringani uchun 10 yilu 8 oyga ozodlikdan mahrum etilgan Faxriddin Tillaev ozod etilgach kelasi kuni xalqaro tashkilot vakillari bilan uchrashuvida sudgacha qamoqda unga qo‘llanilgan qiynoqlar haqida gapirib berdi.

«Tergov hibsxonasida men o‘z ko‘zim bilan ko‘rganman, namanganlik Bahriddinovni o‘sha «rubashka»ni kiydirib qiynashgan».

U yana 47-zona izolyatorida ko‘rgan vakuum qiynoq kamerasi haqida ham gapirib berdi.

«Mahkumni kislorod bermay qiynash uchun mo‘ljallangan maxsus kichkina kamera. Aslida bunday jazo 41-yillarda urush paytida o‘ylab topilgan ekan. Men o‘sha kamerada bir soat o‘tirib, hushimdan ketganman», deydi sobiq mahkum faollar bilan suhbatida.

O‘z faoliyati uchun «odam savdosi»da ayblanib, 2014 yilning yanvarida hibsga olingan Nuriddin Jumaniyozov 9 yilga, Faxriddin Tillaev esa 10 yilu 8 oyga hukm qilingandi.

Nuriddin Jumaniyozov 2016 yilning 31 dekabr kuni 68 yoshida turmada vafot etgan edi.

Faxriddin Tillaev qamalishidan oldin Nuriddin Jumaniyozov bilan birgalikda “O‘zbekiston mardikorlari kasaba uyushmasi”ni tashkil qilib, mardikorlar huquqlarini himoya qilish bilan shug‘ullanib kelgan.

Eltuz.com

Tag‘in o‘qing
26 mart 2020
Koronavirus nima?  Viruslarning keng tarqalgan oilasini tashkil etuvchi koronaviruslar odam va hayvonlarda kasallik qo‘zg‘atishi isbotlangan xususiyatlarga ega. Qator koronaviruslar ...
11 noyabr 2016
Ayni kunlarda O‘zbekistondagi barcha bosma nashrlarning butun diqqat-e'tibori 4 dekabrda bo‘lib o‘tadigan prezident sayloviga qaratilgan. Qaysi gazetani olib qaramang, ...
3 iyul 2018
Toshkent tumain hokimligi kafolati bilan Turkiyadan qaytgach, 26 iyunda hibsga olingan yirik tadbirkorlar Obid va Olim Bahromovlar Davlat xavfsizlik ...
5 aprel 2023
Salom qadrli muhlislar. Eltuz portaliga kelgan navbatdagi 5 ta shikoyatni o‘qib eshittiramiz. Maktublar O‘zbekistonning Andijon, Surhondaryo, Toshkent va O‘zbekistonning Qozog‘iston hamda ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...